ހުޅުމާލެއިން 15 ބިމެއް ވިއްކަނީ

ހުޅުމާލެ އިން 15 ބިމެއް ގަތުމުގެ ފުރުސަތު އާބަންކޯއިން ހުޅުވައިލައިފިއެވެ.

Ads by Sosun Fihaara

އެ ކޯޕަރޭޝަނުން ވިއްކަން އިޢުލާންކޮށްފައިވަނީ ހުޅުމާލޭގެ ބީޗް ސައިޑުން 1،644 އަކަފޫޓާއި 2،338 އަކަފޫޓުގެ 10 ބިމާއި، ބީޗް ފްރަންޓުން 1،270 އަކަފޫޓާއި 1،803 އަކަފޫޓުގެ ފަސް ބިމެވެ.

އާބަންކޯ އިން ކޮށްފައިވާ އިޢުލާނުގައިވާ ގޮތުން މި ބިންތަކަށް ބީލަށް ހުށަހެޅޭނީ 18 އަހަރުން މަތީގެ ދިވެހިންނަށާއި 100 ޕަސެންޓް ދިވެހި ކުންފުނިތަކަށެވެ.

ބީލަން ހުށަހަޅަން ޖެހެނީ އާބަންކޯ އިން މިކަމަށް ހާއްސަކޮށްފައިވާ ޕޯޓަލެއްގެ ތެރެއިންނެވެ.

ބިޑު ހުށަހަޅާއިރު، އެއް މިލިއަން ރުފިޔާގެ ބިޑް ސެކިއުރިޓީއެއް ބަހައްޓަން ޖެހެއެވެ.

ވިއްކަން އިއުލާނުކޮށްފައިވާ 15 ބިމުގެ ތެރެއިން ކޮންމެ ފަރާތަކަށް ވެސް ގަނެވޭނީ، އެއް ބިން ކަމަށް އިއުލާނުގައިވެއެވެ.