ކުލި ދައްކާ ފަރާތްތަކަށް އާބަންކޯއިން އުމްރާ ދަތުރު ދެނީ!
ސޯޝަލް ހައުސިންގެ މަޝްރޫޢުތަކުން ފްލެޓް ލިބިފައިވާ ފަރާތްތަކުގެ ތެރެއިން، ބަރާބަރަށް ކުލި ދައްކާ ފަރާތްތަކަށް "އަރބަންކޯ" އިން އުމްރާ ދަތުރެއް ދިނުމަށް ނިންމައިިފިއެވެ.
ހައުސިން ޑިވެލޮޕްމަންޓް ކޯޕަރޭޝަން(އެޗްޑީސީ)ގެ ނަން "އާބަންކޯ"އަށް ބަދަލުކޮށް އަލަށް ތައާރަފު ކުރި "ޕޭ އެންޑް ވިން" ޕްރޮގްރާމަކީ އެ ކޯޕަރޭޝަނުގެ ސޯޝަލް ހައުސިން ޔުނިޓުތައް ލިބިފައިވާ ފަރާތްތަކަށް ހުޅުވާލައިފައިވާ ޕްރޮގްރާމެކެވެ.
މި ޕްރޮގްރާމުގައި ބައިވެރިވެވެނި ކަނޑައަޅާފައިވާ މުއްދަތުގެ ތެރޭގައި ކުލި ދައްކާ އަދި އެއްވެސް އޯވަޑިއުއެއް ނެތް ފަރާތްތަކަށެވެ. އެގޮތުން ޤަވާއިދުން ކުލިދައްކާ ފަރާތްތަކުގެ މެދުގައި ކޮންމެ ތިން މަހަކުން ގުރުއަތު ނަގައި ހޮވޭ ފަރާތަކަށް އިނާމެއްގެ ގޮތުގައި އުމްރާ ދަތުރެއް ލިބިގެންދާނެއެވެ.
ބައެއް ސޯޝަލް ހައުސިން ޔުނިޓުތަކުގެ ކުލި އެކި ހާލަތްތަކުގެ ސަބަބުން ނުދެއްކި "އޯވަޑިއު" ވެފައިވާކަން ފާހަގަކޮށް އާބަންކޯއިން ބުނީ، އެ ކޯޕަރޭޝަނުން މަސައްކަތްކުރަނީ މިފަދަ ލަކީޑްރޯއެއް ކުރިއަށް ގެންދެވޭއިރު ހުރިހާ ފަރާތްތަކަށް ވެސް ފުރުސަތު ފަހިކޮށްދިނުމަށެވެ.
އެހެންކަމުން ކުލި ދެއްކުމުގައި ދަތިތައް ދިމާވެފައިވާ ފަރާތްތަކަށް ވެސް ލަކީޑްރޯގައި ބައިވެރިވެވޭނެ މަގެއް ވަނީ ފަހިކޮށްދީފައެވެ.
އެގޮތުން ޖެހިޖެހިގެން ހަމަސް ވަންދެން ގަވާއިދުން ކުލި ދައްކައިފި ނަމަ މި ލަކީޑްރޯގައި ބައިވެރިވެވޭނެއެވެ.
އާބަންކޯއިން ބުނީ، އެ ކޯޕަރޭޝަންގެ މަޤްސަދަކީ ވީހައިވެސް ގިނަ ފަރާތްތަކަށް ފުރުސަތު ހޯދައިދީ، ޤަވާއިދުން ކުލި ދެއްކުމަށް ބާރުއެޅުމެވެ.
އެހެންކަމުން، އެކި ސަބަބުތަކާއި ހެދި ފައިސާ ނުދެއްކިފައިވާ ފަރާތްތަކަށް ލުއި ގޮތްތަކެއް ހޯދައިދިނުމަށް ޕޭމަންޓް ޕްލޭންއަކަށް ބަހާލައިގެން ފައިސާ ދެއްކުމުގެ ފުރުޞަތު ވެސް ވަނީ ފަހިކޮށްދެވިފައެވެ.
އެޗްޑީސީ ކަހަލް ކުންފުނިއެއްގައި ރައްޔިތުން މިހާބޮޑު އިންވެސްޓެއް ކުރީމާ ރައްޔުތުންލިބޭ ފައިދާ އަކީ ކޮބައިތޯ، ހިދުމަތެއް ރަގަޅުފެންވަރުގައި ހިޔާ ފުލެޓް ތަކުން ނުލިބޭ !