އާަަބަންކޯއިން ތޮއްޑޫ ސްމާޓް އައިލެންޑެއްގެ ގޮތުގައި ތަރައްޤީ ކުރަން އެހީވަނީ
އއ. ތޮއްޑޫ ސްމާޓް އައިލެންޑެއްގެ ގޮތުގައި ތަރައްޤީ ކުރުމަށް އަރބަންކޯއާ އެކު އެއްބަސްވުމެއް އެކުލަވައިލައިފިއެވެ.
އާބަންކޯގައި އިއްޔެ ބޭއްވި ރަސްމިއްޔާތެއްގައި، އެއްބަސްވުމުގައި އެ ކޯޕަރޭޝަނުގެ ފަރާތުން ސޮއިކުރެއްވީ ކުންފުނީގެ މެނޭޖިންގ ޑިރެކްޓަރު އަޙްމަދު އާތިފެވެ.
އަދި ތޮއްޑޫ ކައުންސިލްގެ ފަރާތުން ސޮއިކުރެއްވީ ކައުންސިލްގެ ރައީސް އަޙްމަދު ކަރަމްއެވެ.
ތޮއްޑޫގައި ސްމާޓް ސޮލިއުޝަންތައް ތަޢާރަފް ކުރަނީ، އާރބަންކޯގެ “ގޯ ބިޔޯންޑް ހުޅުމާލޭ” ޕްރޮގްރާމްގެ ދަށުން ކުދި ރަށްރަށުގެ ރައްޔިތުންނަށް ޓެކްނޮލޮޖީގެ ފަސޭހަކަން ފޯރުކޮށްދިނުންކަމަށް އެ ކޯޕަރޭޝަނުން ހާމަކޮށްފައިވެއެވެ.
މި އެއްބަސްވުމުގެ ދަށުން ތޮއްޑޫގެ ބަނދަރު ސަރަޙައްދާއި، ފެރީ ޓަރމިނަލް ސަރަޙައްދާއި، ކަރގޯ ވެއަރހައުސްގެ އިތުރުން ރަށުގެ އާންމު ރައްޔިތުންނާއި ފަތުރުވެރިން މޫދަށް އެރޭ ސަރަހައްދު ތަރައްޤީ ކުރުމަށް އަރބަންކޯއިން އެހީވުމަށް ވަނީ ހަމަޖެހިފައެވެ.
ހަމައެއާއެކު ތޮއްޑޫ ސްމާޓް އައިލެންޑަކަށް ހެދުމަށް ބޭނުންވާ ކޮންސަލްޓެންސީގެ އެހީތެރިކަމާއި، އޯޕަން އެކްސެސް ނެޓްވޯކެއް ޤާއިމުކުރުމަށް އެހީތެރިކަން ފޯރުކޮށްދިނުމަށް ހަމަޖެހިފައިވެއެވެ.
ހިޔާ ފުލެޓްތަކުގެ އަގު ކުޑަކުރަންވީ، 1 މިލިޔަނަށް ވިއްކާއެތި 2.225 ހަށް ވިކަން މިއުޅެނީ، ހިޔާ ފުލެޓްގެ ހަމަ އަގުގައި ވިއްކާލަންވީ އެއީ 1 މިލިޔަން ބަޔަކުމީހުން ޖީބަށްލާން ކޮންމެ އެޕާޓްމެންޓަކުން 1 މިލިޔަން އިތުރުކޮށްގެން އުޅެނީ !