އިންތިޚާބުގެ ނަތީޖާއިން އެނގުނީ ސަރުކާރަށް އޮތް ތާއީދު
އިއްޔެ ބޭއްވި ގުރައިދޫ ދާއިރާގެ ރައްޔިތުންގެ މަޖިލީހުގެ ބައި-އިލެކްޝަނުގެ ނަތީޖާ އިން ފެނިގެން ދިޔައީ ރައީސް އިބްރާހިމް މުޙައްމަދު ޞާލިޙަށާއި، ސަރުކާރަށް އޮތް ރައްޔިތުންގެ ތާއިދު ކަމަށް އިކޮނޮމިކް މިނިސްޓަރު އަދި އެމްޑީޕީގެ ޗެއާޕާސަން ފައްޔާޒު އިސްމާއިލް ވިދާޅުވެއްޖެއެވެ.
ގުރައިދޫ ދާއިރާގެ މަޖިލިސް ގޮނޑި ކާމިޔާބު ކުރީ އެމްޑީޕީގެ ފަރާތުން ވާދަކުރެއްވި އިބްރާހިމް ޝާޒެވެ. މިއީ އެމްޑީޕީއަށް މި ދާއިރާ ލިބުނު ފުރަތަމަ ފަހަރެވެ.
ޝާޒަށް މަރުހަބާ ދަންނަވަމުން ފައްޔާޒު ވިދާޅުވީ މި އިންތިހާބުގައި ދާއިރާގެ ރައްޔިތުންގެ ތާއިދު މި ސަރުކާރަށާއި ރައީސް ޞާލިޙުއަށް އޮތް ކަން ހާމަވާ ކަމަށާއި، އިންތިހާބުޚާ ކާމިޔާބު ކުރެއްވުމަށް މަސައްކަތް ކުރި ކެމްޕެއިން ޓީމަށް ފައްޔާޒު ވަނީ މަރުހަބާ ވިދާޅުވާ ކަމަށެވެ.
ފައްޔާޒުގެ ޗެއާޕާސަންގެ ކަމުގައި އެމްޑީޕީން މިހާތަނަށް ވަނީ ރައްޔިތުންގެ މަޖިލީހުގެ ދެ ބައި-އިލެކްޝަން ކާމިޔާބުކޮށްފައެވެ.
ގުރައިދޫ ދާއިރާގެ ކާމިޔާބީއާ ގުޅުވައި ފައްޔާޒު ވިދާޅުވީ މި ނަތީޖާ އިން މި އަހަރުގެ ރިޔާސީ އިންތިހާބަށް އުންމީދު އާވެގެން ހިނގައްޖެ ކަމަށެވެ.
