ފަރުކޮޅުފުށީގެ އިމާރާތެއްގައި އަލިފާނުގެ ހާދިސާއެއް

ފަރުކޮޅު ފުށީގައި ހުރި އިމާރާތެއްގައި އަލިފާނުގެ ހާދިސާއެއް ހިނގައިގެން ސިފައިން ހަރަކާތްތެރިވެއްޖެއެވެ.

Ads by Hajj Corporation

އެމްއެންޑީއެފުން ވިދާޅުވީ، ރޯވެފައިވަނީ ފަރުކޮޅުފުށީގައި ނާސަރީއެއްގެ ގޮތުގައި ބޭނުން ކުރާ އިމާރާތުގައި ކަމަށެވެ.

މިހާދިސާގެ ރިޕޯޓް ލިބިފައިވަނީ ހަވީރު 17:01 ގައެވެ.  ހާދިސާގެ މައުލޫމާތު ލިބުމާއެކުގައި، ފަޔަރ އެންޑް ރެސްކިއު ސާވިސްގެ ހުޅުމާލޭ ފަޔަރ ސްޓޭޝަނުން އަލިފާންގަނޑު ނިއްވާމުލުގެ މަސައްކަތް ފެށިއެވެ.

މިހާދިސާ ހިނގަން މެދުވެރިވި ސަބަބެއް މިހާތަނަށް އެނގިފައި ނުވާއިރު، އާބަންކޯއިން ބުނީ، ހުޅުމާލޭ ފޭސް 2 ފަރުކޮޅު ފުށީގައި ހުރި ބާ އިމާރާތެއްގައި އަލިފާނުގެ ހާދިސާއެއް ހިނގާފައިވާ ކަމަށާއި، އަލިފާން ނިއްވުމަށް މިހާރު އެމް.އެން.ޑީ.އެފް އިން ދަނީ ހަރަކާތްތެރި ވަމުން ކަމަށެވެ.