ކަރާ އޮށްތައް އުކައިނުލާންވީ މިހެންވެ
ކަރާ ކާއިރު، އޭގެ އޮށްތައް އުކައިލަން ހެއްޔެވެ؟ ތިބާ އަކީ އެގޮތަށް ޢަމަލު ކުރާ މީހެއްނަމަ، ކަރާ އޮށުން ލިބޭ ފައިދާތައް ނޭނގެނީއެވެ.
ކަރައާ ބެހޭގޮތުން ކޮށްފައިވާ އެކި ދިރާސާތަކުން އެނގޭ ގޮތުގައި، މި މޭވާގެ ބައިތަކުގެ ތެރެއިން އެންމެ ފައިދާ ބޮޑީ އޭގެ އޮށުގައެވެ.
މިގޮތުން ކަރާ އޮށުގައި ވިޓަމިން ބީ ގްރޫޕްގައި ހިމެނޭ ބާވަތްތައް ކަމަށްވާ އަލްޕްބޮފްލޭވިން، ނިޔަސިން، ތިޔަމިން، އަލްބަންޓޯޓިނިކް އެސިޑް އަދި ފޯލިކް އެސިޑް ގިނައަދަދަކަށް ހިމެނެއެވެ.
މިއީ ހިތާއި ހަޖަމުކުރުމުގެ ނިޒާމަށާއި ނާވަސް ސިސްޓަމަށާއި އިމިއުން ސިސްޓަމުގެ ސިއްހަތަށް ވަރަށް ފައިދާ ބޮޑު މާއްދާތަކެކެވެ. އަދި ކަރާގެ އޮށުގައި އެމީނޯ އެސިޑް ގިނައަދަދަކަށް އެކުލެވޭ ޕްރޮޓީން ވެސް ވަރަށް ގިނަކަމަށް ވެއެވެ.
ކަރާގެ އޮށުގައި ހިމެނޭ، ސިއްޙަތަށް ފައިދާހުރި އެހެން މާއްދާތަކުގެ ތެރޭގައި ފޮސްފަރަސް، ޕޮޓޭޝިޔަމް، މެގްނެސިޔަމް، މެގްނީޒް، ކޮޕާ އަދި ޒިންކްވެސް ހިމެނެއެވެ.
މީގެތެރެއިން ފޮސްފަރަސް އަކީ ކަށި ވަރުގަދަކޮށް ކަށީގެ ބަލިތަކުން ސަލާމަތް ކުރުމުގައި މުހިންމު ދައުރެއް އަދާކުރާ މާއްދާއެކެވެ.
ޕޮޓޭޝިޔަމް އަކީ ލޭގެ ޕްރެޝަރު މައްޗަށް ދިޔަނުދީ ހިފަހައްޓާ މާއްދާއެކެވެ. މެ
ގްނެސިޔަމް އަކީ ހިތުގެ ސިއްހަތަށް މުހިއްމު މާއްދާއެކެވެ. ކަރާގެ އޮށުގައި ގިނައިން މެގްނެސިޔަމް އެކުލެވޭތީ ކަރާގެ އޮށް ކެއުމުން ހިތާއި ސިކުނޑިއަށް ސްޓްރޯކް ޖެހުމުގެ ފުރްސަތު ކުޑަކޮށްދޭ ކަމަށްވެއެވެ. ކޮޕާ އަކީ އިސްތައްޓަށާއި ހަމުގެ ސިއްހަތަށް މުހިއްމު މާއްދާއެކެވެ. އެހެންކަމުން ކަރާ ކެއުމުގެ އިތުރުން ކަރާގެ އޮށްވެސް އުކާނުލައި ކެއުމަށް ޑައިޓިޝަނުން (ކާބޯތަކެއްޗާބެހޭ ތަޖްރިބާކާރުން) ލަފާދެއްވައެވެ.
