ސިއްޙީ ދާއިރާގެ މުވައްޒަފުންގެ މުސާރަ ބޮޑުކޮށްފި
މާދަމާއިން ފެށިގެން، ސިއްޙީ ދާއިރާގެ މުވައްޒަފުންގެ މުސާރަ ބޮޑުވާނެކަން، ރައީީސް އިބްރާހީމް މުޙައްމަދު ޞާލިޙު އިޢުލާނު ކުރައްވައިފިއެވެ.
ރައީސް މިކަން ހާމަކުރެއްވީ މިއަދު އާއްމު ކުރެއްވި ވީޑިއޯ މެސެޖެއްގައެވެ. ރައީސް ވިދާޅުވީ އެމަނިކުފާނުގެ ވަޢުދާ އެއްގޮތަށް އަންނަ މަހުގެ އެއްވަނަ ދުވަހުން ފެށިގެން، ސިއްޙީ ދާއިރާގެ މުވައްޒަފުންގެ މުސާރަ ބޮޑު ކުރެވިދާނެކަން އިޢުލާނު ކުރެވުމަކީ، ލިބިވަޑައިގަންނަވާ ވަރަށް ބޮޑު އުފަލެއް ކަމުގައެވެ.
ސިއްޙީ ދާއިރާގެ ޚިދުމަތުގެ ފެންވަރު ބަރޯސާ ވަނީ، އިންސާނީ ވަސީލަތަށްކަން ފާހަގަކުރައްވައި، ރައީސް ވަނީ މި ދާއިރާގެ މުވައްޒަފުންގެ މުސާރަ ބޮޑު ކުރުމުގެ މުހިންމުކަމުގެ މައްޗަށް އަލިއަޅުވައިލައްވައިފައެވެ.
"ސިއްޙީ ދާއިރާގެ މުވައްޒަފުންނަށް، މިހައިތަނަށް ދެމުން އައީ، އެބޭފުޅުން އެ އުފުއްލަވާ ބުރައާ އެކަށޭނަ މުސާރައެއް ނޫން. ރާއްޖޭގެ ސިއްޙީ ނިޒާމަަށް އާ ޚިދުމަތްތަކާ ވަސީލަތްތައް، އަޅުގަނޑުމެން މި އަންނަނީ ތަޢާރަފު ކުރަމުން."
ރައީސް ވިދާޅުވީ ސިއްޙީ ދާއިރާއަށް ޚިދުމަތް ކުރާ ދިވެހީން ލިބުމަކީ ދަތި ކަމެއް ކަމަށާއި، އެ ދާއިރާގެ މުވައްޒަފުންގެ މުސާރައަށް ގެންނަ ހެޔޮ ބަދަލާއެކު ދާއިރާއަށް ޝައުގުވެރިވާ ދިވެހީން އިތުރުވެގެންދާނެ ކަމަށް އުއްމީދު ކުރައްވާ ކަމަށެވެ.
ރައީސް ވަނީ، އަންނަ މަހުން ފެށިގެން ސިއްޙީ ދާއިރާގެ މުވައްޒަފުންގެ މުސާރައަށް އަންނާނެ ބައެއް ބަދަލުތަކަށް އަލިއަޅުވައިލައްވައިފައެވެ.
އެގޮތުން ސީނިއަރ ރަޖިސްޓަޑް ނަރުހަކަށް އިތުރު ގަޑީގެ ފައިސާ ނުލައި، އެވްރެޖްކޮށް 29،271 ރުފިޔާ ލިބޭނެ ކަމަށާއި، ސްޕެޝަލިސްޓު ނަރުހުންނަށް އިތުރު ގަޑީގެ މަސައްކަތުގެ އުޖޫރައާ ނުލައި 41،976 ރުފިޔާ ލިބޭކަން ރައީސް ފާހަގަކުރެއްވިއެވެ.
މުސާރައަށް ގެނައި ބަދަލާއިއެކު ދައުލަތުގެ ބަޖެޓުން އިތުރު 282 މިލިއަން ރުފިޔާ ހޭދަކުރަން ޖެހެއެވެ.
ސާބަސްރައީ ސޯ