ބަންގްލަދޭޝް ބަހުން އިއްވި އެޗްޕީއޭގެ އިއުލާނެއްގެ އަޑު ބާރުކަމުން ސުޕްރީމް ކޯޓުގެ ޝަރީޢަތް މެދުކަނޑާލަން ޖެހިއްޖެ
ބަންގްލަދޭޝް ބަހުން އިއްވި އެޗްޕީއޭގެ އިއުލާނެއްގެ އަޑު ބާރުކަމުން ސުޕްރީމް ކޯޓުގެ ޝަރީޢަތް މެދެކަނޑާލަން ޖެހިއްޖެއެވެ.
އޮންލައިންކޮށް މިއަދު ސުޕްރީމް ކޯޓުން މެދުކަނޑާލީ ފުލުހުންގެ ތަހުގީގަށް ފޯނު ނުދެއްވި ކަމަށް ބުނެ ކުރީގެ އުއްތަމަ ފަނޑިޔާރު އަބްދުﷲ ސައީދުގެ މައްޗަށް އިއްވި ދޮޅު އަހަރުގެ ޖަލު ހުކުމް ހައިކޯޓުން ބާތިލްކުރިއިރު ސިއްރު ހެއްކާއި ގުޅޭ ގޮތުން ހިމަނާފައިވާ ބައި ދައުލަތުން ސުޕްރީމް ކޯޓުގައި އިސްތިއުނާފު ކުރުމުން ކުރިއަށް ގެންދާ ޝަރީޢަތެވެ.
މައްސަލަ ބެލި ސުޕްރީމް ކޯޓުގެ ފަނޑިޔާރު މަހާޒު އަލީ ޒާހިރު މައްސަލައިގެ ޙުކުމް ވިދާޅުވަމުން ގެންދަވަނިކޮށް ބަންގްލަދޭޝް ބަހުން އިވޭ އިއުލާނެއްގެ އަޑު ގަދަވުމުން ޝަރީޢަތް މެދުކަނޑާލަމުން ފަނޑިޔާރު މަހާޒު ވިދާޅުވީ އިއުލާނު ނިމުމުން އަލުން ޝަރީޢަތުގެ އަޑުއެހުން ކުރިއަށް ގެންދާނެ ކަމަށެވެ.
ޕްރޮސެކިއުޓަރ ޖެނެރަލް ހުސައިން ޝަމީމް ކުރެއްވި ޓްވީޓެއްގައި ވިދާޅުވީ ނަމާދަށް ދިއުމާބެހޭ ގޮތުން ބަންގްލަދޭޝް ބަހުން އަންނަ، އެޗްޕީއޭގެ މުހިންމު އެނައުންސްމަންޓެއް އަންނާތީ، ސުޕްރީމް ކޯޓުގެ އަޑުއެހުން މެދުކަނޑާލައިފައިވާ ކަމަށެވެ.
Ads by STO
