ސިޔާސީ މުވައްޒަފުންނަށްވެސް އުމްރާ ޗުއްޓީ ލިބޭނެ ގޮތް ހަދައިފި
ސަރުކާރުގެ ސިޔާސީ މުވައްޒަފުންނަށް އުމްރާ ޗުއްޓީ ލިބޭ ގޮތަށް ސިޔާސީ މުވައްޒަފުންގެ ގޮތުގައި ރައީސުލްޖުމްހޫރިއްޔާ އައްޔަންކުރާ މުވައްޒަފުން ޢަމަލު ކުރަން ޖެހޭ އުސޫލަށް ބަދަލު ގެނެސް، މިއަދު އާންމުކުރައްވައިފިއެވެ.
އެ ޤަވާއިދުގެ 'ޗުއްޓީ އާއި ސަލާން ބުނުމާއި، ދަތުރުތައް' މި މާއްދާގައި ބުނެފައިވާ ގޮތުގައި، ފުރަތަމަ ފަހަރަށް ޙައްޖުގެ އަޅުކަން އަދާކުރާ ސަރުކާރުގެ ސިޔާސީ މުވައްޒަފުންނަށް ޙައްޖަށް ދިޔުމަށް ފުރާ ދުވަހުން ފެށިގެން ، މުސާރަ ހިނގާ ގޮތަށް 35 ދުވަހުގެ ޗުއްޓީއެއް ނެގިދާނެއެވެ.
މި މާއްދާއަށް ދެން އިތުރުކުރީ ފުރަތަމަ އުމްރާގެ އަޅުކަން އަދާކުރާ ސަރުކާރުގެ ސިޔާސީ މުވައްޒަފަށް ޗުއްޓީ ލިބޭނެ ކަމަށް ކަނޑައަޅާފައި އޮތް އިސްލާހެވެ. އެގޮތުން އުމްރާއަށް ލިބެނީ މުސާރަ ހިނގާ ގޮތަށް 15 ދުވަހުގެ ޗުއްޓީއެކެވެ.
އުމްރާގެ ޗުއްޓީ ސިޔާސީ މުވައްޒަފުންނަށް ލިބުނަސް ސިވިލް ސާވިސް މުވައްޒަފުންނަށް މިފަދަ ޗުއްޓީއެއް ނުލިބެއެވެ.
މީގެއިތުރުން ސިޔާސީ މުވައްޒަފުންގެ މަޤާމާ ގުޅޭ ދަތުރެއްގައި ދެވޭނީ ރައީސް އޮފީހުން ޚާއްސަ ހުއްދައެއް ލިބުނުކަން ލިޔުމަކުން އެންގުމުން ކަމަށް ވެސް އެ އުސޫލަށް ގެނައި އިސްލާހުގައި ވަނީ ބަޔާންކޮށްފައެވެ.
ސިޔާސީ މުވައްޒަފުންގެ ގޮތުގައި ރައީސުލްޖުމްހޫރިއްޔާ އައްޔަނުކުރާ މުވައްޒަފުން އަމަލުކުރަން ޖެހޭ އުސޫލު"އަކީ ވަޒީރުން ފިޔަވައި ސިޔާސީ މުވައްޒަފުންގެ ގޮތުގައި ރައީސުލްޖުމްހޫރިއްޔާ އައްޔަންކުރާ މުވައްޒަފުން އަމަލުކުރަން ޖެހޭ އުސޫލެވެ.
ވަކިބައަކަށްވަކިގޮތެއްހަދާނަމަދީނީއަދަބުތަކާއިޚިލާފުވީ