ޝުޖާޢު އިމްރާނަށް: ތިޔައީ ތާއީދެއް ނެތް ހުސް ތޮށިގަނޑެއް
ޢަދާލަތު ޕާޓީގެ ރައީސް، އަދި ހޯމް މިނިސްޓަރު އިމްރާނަށް، ޕީއެންސީގެ ނައިބު ރައީީސް އަދި ހުޅުމާލޭގެ ކައުންސިލަރު އިބްރާހީމް ޝުޖާޢު ވަރަށް ބޮޑަށް ފާޑުވިދާޅުވެއްޖެއެވެ.
ޝުޖާޢު އިމްރާނަށް ފާޑުވިދާޅުވީ، ޗާގޯސް މައްސަލައިގައި އެކުގައި މަސައްކަތް ކުރާ "ކަނޑު ވިއްކާލުމާ ދެކޮޅު ކޯލިޝަން"ގައި އުޅުއްވާ ފަރާތްތަކުގެ ފޮޓޯއެއް ހިއްސާ ކުރައްވައި، އިމްރާން ކުރެއްވި ޓްވީޓަކާ ގުޅިގެންނެވެ.
މިގޮތުން އިމްރާން ވަނީ، އެ ފޮޓޯގައި ތިއްބެވި ބޭފުޅުން ގުޅިގެން އުފައްދާ ވެރިކަމެއްގައި، ވެރިކަން ކުރައްވާނީ ކާކުކަން އެނގޭތޯ ސުވާލު ކުރައްވައިފައެވެ.
އިމްރާާންގެ ޓްވީޓާ ގުޅިގެން، ޝުޖާޢު ވިދާޅުވީ ރައްޔިތުން މި ފަހަރު ރައީސް އިބްރާހީމް މުޙައްމަދު ޞާލިޙު ނޫން ގޮތެއް ހޯދާނެ ކަމަށެވެ.
"”އިބޫ ނޫން ގޮތެއް“ ދިވެހި ރައްޔިތުންނަށް މި ބޭފުޅުން ހޯއްދަވައި ދެއްވާނެ. އެއީ ތިބޭފުޅާ އާއި ނުލާ. ތިއީ ތާއީދެއް ނެތް، ގްރާސްރޫޓެއް ނެތް ހުސް ތޮށިގަނޑެއް."
ޗާގޯސް މައްސަލައިގައި އުފައްދާފައިވާ ކޯލިޝަންގައި ޕީޕީއެމް، އެމްއެންޕީ، އުމަރު ނަސީރު، ޖުމްހޫރީ ޕާޓީ އަދި ރައީސް މުޙައްމަދު ނަޝީދުގެ "ފިކުރެއްގެ ދިރުން" ފެކްޝަން ވެސް ހިމެނެއެވެ.
ކަލޭ ވެދާނެ ޔާމީނުގެ ވަގު ލާރިގަނޑު ދިރުވާލައިގެން އެތެރެ ފުރިފަ އޮތް ކަށިކޮއްޔަކަށް.