ޑިޖިޓަލް އައިޑީ ތަޖުރިބާކުރުމުގެ ފުރުސަތު ހުޅުވާލައިފި
ޑިޖިޓަލް އައިޑީ ކާޑު ތަޖުރިބާކުރުމުގެ ފުރުސަތު އާންމުންނަށް މިއަދު ހުޅުވާލައިފިއެވެ.
އެ ހިދުމަތް ތަޖުރިބާކުރުމުގެ ފުރުސަތު އެންޑްރޮއިޑް އަދި އައިއޯއެސް ބޭނުން ކުރާ މީހުންނަށް ވެސް މިހާރު ވަނީ ހުޅުވާލައިފައެވެ.
ޑިޖިޓަލް އައިޑީގައި އެއްގަމު އުޅަނދު ދުއްވުމުގެ ލައިސަންސް، ކައިވެނީގެ ސެޓްފިކެޓް، އާއިލީ މެމްބަރުންގެ މައުލޫމާތު، އެ މީހަކު ޝާމިލުވާ ވިޔަފާރިއެއް އޮތް ނަމަ އެ މައުލޫމާތު، ސިވިލް ސާވިސްގައި ވަޒީފާ އަދާކުރާ ނަމަ އެ މައުލޫމާތު، އަދި އާސަންދައިގެ މައުލޫމާތު ލިބިގެންދާނެއެވެ.
ޑިޖިޓަލް އައިޑީކާޑު ފަރުމާކޮށްފައިވަނީ ދިވެހި އަދި އިނގިރޭސި ބަހުން ފެންނަގޮތަށެވެ. ނަމަވެސް ކުރިއަށް އޮތްތާނުގައި އެކާޑެއް ހަދާފައިވާ ބަހަކުން ފެންނާނެގޮތް ވާނެކަމަށް ނޭޝަނަލް ސެންޓަރ ފޮރ އިންފޮމޭޝަން ޓެކްނޮލޮޖީން ވިދާޅުވެއެވެ.
ޑިޖިޓަލް އައިޑެންޓިޓީ ކާޑް ބޭނުންކުރަން ފެށުމަކީ ޑިޖިޓަލައިޒްޑް ނިޒާމެއްގެ ދަށުން ރައްޔިތުންނަށް ޙިދުމަތް ދިނުމަށް ކުރަމުންދާ މަސައްކަތަށް ލިބިގެންދިޔަ އިތުރުކުރިއެރުމެކެވެ.
