އައްޑުއިން ފެނުނީ، ރައީީސްއަށް އޮތް ލޯބި: ޝާހިދު
ރައީސް އިބްރާހީމް މުޙައްމަދު ޞާލިޙު އައްޑޫ ސިޓީއަށް ކުރެއްވި ދަތުރުފުޅުން ފެނިގެން ދިޔައީ، އެ ސިޓީގެ ރައްޔިތުންގެ ހިތްތަކުގައި އެމަނިކުފާނަށް އޮތް ލޯބި ކަމަށް ފޮރިން މިނިސްޓަރު ޝާހިދު ވިދާޅުވެއްޖެއެވެ.
ޝާހިދު ކުރެއްވި ޓްވީޓެއްގައި ވިދާޅުވީ، ރައީސް ޞާލިޙަކި، ކުޑަ ރަށެއް، ބޮޑު ރަށެއް ތަފާތު ނުކުރައްވާ ވެރިއެއް ކަމަށާއި، އެމަނިކުފާނަކީ ރައްޔިތުންގެ ދިރިއުޅުން އުޖާލާ ކުރުމަށް މަސައްކަތް ކުރައްވާ، އޯގާތެރި ވެރިއެއް ކަމުގައެވެ.
ރައީސް ޞާލިޙު އިއްޔެ އައްޑޫ ސިޓީއަށް ވަޑައިގެންނެވުމުން، އެމަނިކުފާނަށް ވަރަށް ހޫނު މަރުހަބާއެއް ވަނީ ދަންނަވައިފައެވެ. އައްޑޫގެ ބިން ހިއްކުމުގެ މަޝްރޫއު، ރައީސް އިއްޔެ ފައްޓަވައިދެއްވިއިރު، އެ ސިޓީގެ މޭޔަރު، ޢަލީ ނިޒާރު ވަނީ މި ސަރުކާރުން އައްޑުއަށް ގެނެސްފައިވާ ތަރައްޤީއަށް ބަލައި، ރައީސް ޞާލިޙަށް ދެވަނަ ދައުރެއް ދިނުމަށް މަސައްކަތް ކުރުން އައްޑޫ ރައްޔިތުންނަށް ލާޒިމު ކަމަށް ވިދާޅުވެފައެވެ.
