މުޅި ރާއްޖެއަށް ހުޅުވާލައިގެން ކުރިޔަށްގެންދިޔަ ހުވަދޫ މަދަޙަ ޗެލެންޖްގެ އެއް ވަނަ އަސްނާ އަލީއަށް!
ހުވަދޫ މީޑިއާއިން މުޅި ރާއްޖެއަށް ހުޅުވާލައިގެން ކުރިއަށްގެންދިޔަ "ހުވަދޫ މަދަޙަ ޗެލެންޖް 1444" ގެ ޓައިޓަލް ވަނަ ގއ. ކަނޑުހުޅޫ ދޯދި، އަސްނާ އަލީ ކާމިޔާބު ކޮށްފިއެވެ.
މި މުބާރާތުގެ ފަހުރުވެރި އެއްވަނަ އަސްނާ ހޯދާފައިވަނީ މުޅި ރާއްޖެއިން މި މުބާރާތުގައި ބައިވެރިވި 100 އަށް ވުރެ ގިނަ ބައިވެރިންނާއި ވާދަކޮށްގެންނެވެ. އަސްނާ މި މުބާރާތް ކާމިޔާބުކޮށްފައިވަނީ ޖަޖުންގެ 75 އިންސައްތަ މާރކްސް އާއި، ފޭސްބުކް ރިއެކްޓްގެ 25 އިންސައްތަ އެއްކޮށް އެންމެ ގިނަ ޕޮއިންޓް ހޯދައިގެންނެވެ.
މި މުބާރާތުގެ 2 ވަނަ ހޯދާފައިވަނީ އިފާގަތު އިބްރާހިމްއެެވެ. އަދި މުޅި މުބާރާތުގެ 3 ވަނަ ހޯދާފައިވަނީ މުހައްމަދު މުއާން މުރުތަލާއެވެ.
މުބާރާތުގެ އެންމެ މޮޅު ފަހެއް:
- މަރިޔަމް ސަދާ
- އަހުމަދު ސައީދު
- އިފާގަތު އިބްރާހިމް
- އަސްނާ އަލީ
- މުހައްމަދު މުއާން މުރުތަލާ
"މާލެ އޮޕްޓިކަލް ހުވަދޫ މަދަޙަ ޗެލެންޖް 1444" ގެ އެއްވަނަ އަށް ހުށަހަޅާފައިވަނީ 10 ހާސް ރުފިޔާގެ ފައިސާގެ އިނާމެކެވެ.
"މާލެ އޮޕްޓިކަލް ހުވަދޫ މަދަޙަ ޗެލެންޖް 1444" ގެ ޓައިޓަލް ޕާރޓްނާ އަކީ ރާއްޖޭގައި އައިނު ހަދައިދިނުމުގެ ޚިދުމަތް ދޭން ފެށި ފުރަތަމަ ކުންފުނި ކަމަށްވާ މާލޭ އޮޕްޓިކަލްކޮމްޕެނީ އެވެ. އަދި މި މުބާރާތުގެ ކޯ ސްޕޮންސަރ އަކީ އެވިޑް ކޮލެޖެވެ.
