750 މީހުންނާއެކު ގްރީސް ކަނޑަށް އަޑިއަށް ދިޔަ ބޯޓުގައި ޕާކިސްތާންގެ 400 މީހުން!
މި ހިނގާ ޖޫން މަހުގެ 14 ވަނަ ދުވަހު ގްރީސް ކަނޑަށް ބަންޑުން ޖަހާލި ބޯޓުގައި ތިބީ ގިނައިން ޕާކިސްތާންގެ މީހުން ކަމަށް ބެލެވިގެން، އެ ހާދިސާގެ ހާއްސަ ތަހުގީގެއް ހިންގަން ޕާކިސްތާން ސަރުކާރުން ފަށައިފިއެވެ.
ޕާކިސްތާންގެ ބޮޑުވަޒީރު ޝަހްބާޒް ޝަރީފް ވިދާޅުވީ، އެ ބޯޓަށް ޕާކިސްތާނުން މީހުން އެރުމުގައި އުޅުނު ތުހުމަތުވާ 10 މީހަކު ދެގެނަނެވިފައި ވާ ކަމަށާއި އެކަމުގައި ބައިވެރިވާ ހުރިހާ އެންމެން ހޯދާ ހަރުކަށި އަދަބު ދެއްވާނެ ކަމަށެވެ.
އިންސާނީ ވަގުފާރީގެ އެޖެންޓުން ގިނަ ބަޔަކު އެބޯޓަށް އަރުވާފައި ވާ އިރު ބައެއް މަސްދަރުތަކުން ބުނެފައި ވަނީ މަރުވި މީހުންގެ ތެރޭގައި ޕާކިސްތާންގެ 298 މީހަކު ހިމެނޭ ކަމަށާއި އޭގެ ތެރެއިން 135 މީހަކީ ޕާކިސްތާންގެ ކަޝްމީރު ސަރަހައްދަށް ނިސްބަތްވާ މީހުންކަން ދެނެގަނެވިފައި ވާ ކަމަށެވެ.
ބޯޓުގެ ވަތް ތަކާއި އެތެރެ އަދި ގެގަނޑުގެ މަތިވެސް ފުރެންދެއް މީހުން އަރުވައިގެން އިޓަލީއަށް ދާން ދިޔަ ބޯޓު އިންޖީނު ހުއްޓި ގްރީސްގެ ކަނޑަށް ބަންޑުން ޖަހާލީ އިންޖީނު ހުއްޓުމާއެކު ބޯޓުގައި ތިބި މީހުން ކޮޅުކޮޅު މައްޗަށް ދާން ފެށުމުން ބޯޓުގެ ބެލެންސް ގެއްލި އަރިއަޅާލައިގެންނެވެ.
މާކުރީގެ ފޮޓޯއެއް.
Migrants are seen on a capsizing boat before a rescue operation by Italian navy ships “Bettica” and “Bergamini” (unseen) off the coast of Libya in this handout picture released by the Italian Marina Militare on May 25, 2016. (File photo: Marina Militare/Handout via Reuters)