ހުޅުމާލޭގައި ހިނގި އެކްސިޑެންޓެއްގައި ޓެކްސީ ޑްރައިވަރަކު ނިޔާވެއްޖެ
ހުޅުމާލެ އަށް އަރާ ބްރިޖު ކައިރީގައި މީގެ ކުޑައިރުކޮޅެއް ހިނގި އެކްސިޑެންޓެއްގައި ޓެކްސީ ޑްރައިވަރަކު ނިޔާވެއްޖެއެވެ.
މަޢުލޫމާތު ލިބިފައިވާ ގޮތުގައި ނިޔާވެފައިވަނީ 65 އަހަރުގެ ދިވެހި ފިރިހެނަކެވެ. އޭނާ ހޮސްޕިޓަލަށް ގެންދިޔައިރުވެސް ވަނީ ނިޔާވެފައެވެ.
ފުލުހުން ވިދާޅުވީ ހުޅުމާލެ ފޭސް 1 ހިތިގަސް މަގު ޕްލޭޓިނަމް ކައިރީގައި ދެ ކާރު ޖެހި އެތަނުން އެއް ކާރު ކޮންޓްރޯލް ނުވެ ގޮސް ޑިވައިޑަރ ތަކުގައި ޖެހި އެކްސިޑެންޓެއް ހިނގާފައިވާ ކަމުގެ މަޢުލޫމާތު މިއަދު 17:47ހާއިރު ލިބިފައިވާ ކަމަށެވެ.
އަދި މި އެކްސިޑެންޓުގައި 3 މީހަކަށް އަނިޔާވެގެން ހުޅުމާލެ ހޮސްޕިޓަލަށް ގެންގޮސްފައިވާ ކަމަށާއި އެތަނުން އެކަކު ނިޔާވެފައިވާ ކަމަށް ހޮސްޕިޓަލުން މަޢުލޫމާތު ދީފައިވާ ކަމަށް ފުލުހުން ވިދާޅުވިއެެވެ.
“ނިޔާވެފައިވަނީ އެތަނުން އެއް ކާރު ދުއްވަން އިން ޑްރައިވަރ. އެ ކާރުގައި އެވަގުތު އިނީ އެ ޑްރައިވަރު އެކަނި. އެއީ 65 އަހަރުގެ ދިވެހި ފިރިހެނެއް” ފުލުހުން ވިދާޅުވިއެވެ.
