މާލެއިން ގޯއްޗާއި ފްލެޓް ލިބޭ މީހުންގެ ލިސްޓު މިއަދު އާންމުކުރަނީ
މާލެ ސަރަހައްދުން ގޮއްޗާއި ފްލެޓް ދޫކުރުމަށް ކުރިއަށްގެންދިޔަ "ބިންވެރިޔާ" އަދި "ގެދޮރުވެރިޔާ" ޕްރޮގްރާމުގެ ތެރެއިން ގޯއްޗާއި ފްލެޓު ލިބުނު މީހުންގެ ނަންތައް މިއަދު އިއުލާނު ކުރާނެކަން ހާމަކޮށްފިއެވެ.
ޕްލޭނިން މިނިިސްޓްރީން ބުނީ ގެދޮރުވެރިން ޕްރޮގްރާމުގެ ދަށުން ހިންގާ ބިންވެރިޔާ އަދި ގެދޮރުވެދިޔާ ސްކީމަށް ކުރިމަތިލާފައިވާ ފަރާތްތައް އިވެލުއޭޓްކޮށް ބިމާއި ފްލެޓް ދޭނެ ފަރާތްތައް ކަނޑައެޅުމަށްޓަކައި އެކުލަވާލައިފައިވާ ގެދޮރުވެރިންގެ ކޮމިޓީ ބައްދަލުވުމެއް އިއްޔެ މިނިސްޓްރީގައި ބާއްވާފައިވާ ކަމަށެވެ.
މިކަމާއި ގުޅޭގޮތުން ރައީސް އޮފީހިން ވިދާޅުބަި ބިންވެރިޔާ މަޝްރޫޢުގެ ދަށުން ދޫކުރާ ގޯތީގެ މަޢުލޫމާތު ޙިއްޞާކުރުމަށް މިނިސްޓަރ އޮފް ނޭޝަނަލް ޕްލޭނިންގ, ހައުސިންގ އެންޑް އިންފްރާސްޓަކްޗަރ އަދި ގެދޮރުވެރިންގެ ކޮމިޓީގެ މެންބަރުން މިއަދު 16:00 ގައި ރައީސުލްޖުމްހޫރިއްޔާގެ އޮފީހުގައި ނޫސްވެރިންނާއި ބައްދަލުކުރައްވާނެ ކަމަށެވެ.
މާލެ ރައްޔިތުންނަށް ޚާއްސަކޮށް މާލެ ސަރަޙައްދުން 5000 ގޯތި ދޭނެކަން ރައީސުލްޖުމްހޫރިއްޔާ އިބްރާޙިމް މުޙައްމަދު ޞާލިޙު އިޢުލާންކުރެއްވީ މިދިޔަ އަހަރުގެ ރިޔާސީ ބަޔާނުގައެވެ. މީގެތެރެއިން ފުރަތަމަ ދޫކުރާ 3000 ގޯތި ދޫކުރަނީ ހުޅުމާލެއާއި ގުޅީފަޅުންނެވެ.
އެއީ ހުޅުމާލެ ދެވަނަ ދިޔަވަހިން ދޫކުރާ 1000 ގޯތި އަދި ގުޅީފަޅުން ދޫކުރާ 2000 ގޯއްޗެވެ. މާލެ ރައްޔިތުންނަށް ޚާއްސަކޮށް 3000 ގޯއްޗަށް ކުރިމަތިލުމަށް ހުޅުވާލި ފުރުޞަތުގެ މުއްދަތުގައި 15،000 އަށްވުރެ ގިނަ ފޯމު ހުށައެޅިއެވެ.
