ލަވަކިޔުންތެރިޔާ ބަތޫލް އެމްޑީޕީއާ ގުޅިއްޖެ
ލަވަކިޔުންތެރިޔާ ބަތޫލް އަޙްމަދު ވެރިކަން ކުރާ މައި ޕާޓީ އެމްޑީޕީއާއި ގުޅިއްޖެއެވެ.
ޒުވާން ލަވަކިޔުންތެރިޔާ، ބަތޫލްއާއި، އެކު އިތުރު ޒުވާނަކު އެމްޑީޕީއާއި ގުޅުމަށްފަހު ފޯމު ހަވާލު ކޮށްފައިވަނީ އެމްޑީޕީގެ ރިޔާސީ ކެންޑިޑޭޓް، އަދި އެ ޕާޓުގެ އިސް ލީޑަރު، ރައީސް އިބްރާހީމް މުޙައްމަދު ޞާލިހާއިއެވެ. ސޮއި ކުރުމުގެ މި ރަސްމިއްޔާތު ކުރިއަށް ގެންގޮސްފައިވަނީ ރައީސް ޞާލިހުގެ އުފަންރަށް، ހިންނަވަރުގައެވެ.
ރިޔާސީ އިންތިޚާބު ބޯމަތިވަމުން އަންނައިރު، އެމްޑީޕީން ދަނީ އެ ޕާޓީއާ ގުޅޭ މެމްބަރުންގެ އަދަދު އިތުރު ކުރުމަށް މަސައްކަތް ކުރަމުންނެވެ. އެގޮތުން އެމްޑީޕީގެ ތެރޭގައި ދެ ފެކްޝަން އުފެދި، އެއްބަޔަކު ޕާޓީން ވަކިވެ، އައު ސިޔާސީ ޕާޓީ "ދަ ޑިމޮކްރެޓްސް" އުފެއްދުމަށް މަސައްކަތް ކުރަމުން އަންނައިރު، އައު ޕާޓީއާ ގުޅުމަށް އެމްޑީޕީގެ "ރަނގަޅު އަދަދެއްގެ މެމްބަރުން" ވަކިވާނެ ކަމަށް އެ ޕާޓީގެ ޗެއާޕާސަން ފައްޔާޒު އިސްމާއީލް ވަނީ ވިދާޅުވެފައެވެ.
ބަތޫލަކީ ތިތަނުން ކާކު؟ އަންހެން ކުއްޖާތަ، ފިރިހެން ޒުވާނާތަ؟