ރައީީސް ނަޝީދު މާދަމާ ރޭ، ޑިމޮކްރެޓްސްއަށް ސޮއި ކުރައްވަނީ

ވެރިކަން ކުރާ މައި ޕާޓީ، އެމްޑީޕީން ވަކިވި ފަރާތްތައް އުފައްދާ އައު ސިޔާސީ ޕާޓީ "ދަ ޑިމޮކްރެޓްސް" އުފެއްދުމަށް ބާއްވާ ޖަލްސާގައި ރައީސް މުޙައްމަދު ނަޝީދު ޑިމޮކްރެޓްސްއާ ގުޅިވަޑައިގެން، އެ ޕާޓީއަށް ސޮއި ކުރައްވާނެއެވެ.

Ads by STELCO

ޑިމޮކްރެޓްސް އުފެއްދުމުގެ ޖަލްސާ އޮންނާނީ މާދަމާ ރޭ 8:30 ގައި، ޣިޔާސުއްދީން ސްކޫލު ހޯލުގައެވެ.

އެމްޑީޕީ އުފެއްދުމުގައި އިސްކޮށް އުޅުއްވި ރައީސް ނަޝީދު އެ  ޕާޓީން ވަކިވެވަޑައިގެންނެވީ މިދިޔަ މަހުގެ 21 ގައެވެ.

ރައީސް ނަޝީދު އިސްވެ ހުންނަވައި އުފައްދާ ޕާޓީގެ ފަރާތުން ރިޔާސީ ކެންޑިޑޭޓެއް ނެރޭނެ ކަމަށް ބުނެފައިވާއިރު، އެ ކެންޑިޑޭޓަކީ ރައީީސް ނަޝީދަށް ވުން ގާތެވެ.

އެމަނިކުފާނު އެމްޑީޕީއާ ފެއަށް ޖެހިވަޑައިހަތީ، އެ ާޕާޓީގެ ޕްރައިމަރީގައި، ރައީސް އިބްރާހީމް މުޙައްމަދު ޞާލިޙާއި ވާދަ ކުރައްވައި، ލިބިވަޑައިގެންނެވި ނާކާމިޔާބީއަށް ފަހުގައެވެ.