އަދާލަތު ޕާޓީ އާއި އެމްޑީއޭ އަކީ ގައުމަށް ހެޔޮއެދޭ ދެ ޕާޓީ: ރައީސް ޞާލިޙްް
އަދާލަތު ޕާޓީ އާއި އެމްޑީއޭ އަކީ ގައުމަށް ހެޔޮއެދޭ ދެ ޕާޓީ ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެއެވެ.
ޔާސީ ކެމްޕެއިން ފެއްޓެވުމުގެ ގޮތުން މިއަދު ށ. އަތޮޅަށް ފެއްޓެވި ދަތުރުފުޅުގައި އެ އަތޮޅުގެ ނޫމަރާއަށް ވަޑައިގެން ދެއްކެވި ވާހަކަފުޅުގައި ވިދާޅުވީ ވޭތުވެދިޔަ ފަސް އަހަރުގެ ތެރޭގައި އެމްޑީޕީގެ ކޯލިޝަން ސަރުކާރުން ކުރި އެންމެ މުހިންމު ކަމަކީ ގާނޫނީ ހަމަތަކަށް ރުޖޫއަވުންކަމަށެވެ.
އަދި ގާނޫނީ އިމުގެ ތެރޭގައި ކަންތަތައް ކުރައްވާ ޝަރުއީ ދާއިރާއަށް ނުފޫޒެއް ނުފޯރުވާ މިނިވަންކަމާއިއެކު ޝަރީއަތްތައް ކުރިއަށް ގެންދިއުންކަމަށާއި “ގިނަ ކަންކަން ކުރެވިފައިވަނީ ސިޔާސީ ހަލަބޮލިކަމާއި އެ ހަރަކާތްތަކާއި ދުރަށްޖެހިވަޑައިގެން ގައުމާއި ރައްޔިތުން އިސްކުރެއްވުމުން” ކަމަށް ރައީސް ޞާލިޙް ވިދާޅުވިއެވެ.
ރައީސް ޞާލިޙް ވިދާޅުވީ، އެ މަނިކުފާނުގެ ކޯލިޝަންގައި ރައްޔިތުންނަށް ހިދުމަތްކުރާ ހެޔޮ އެދޭ ދެ ޕާޓީއެއް އެބޮތްކަމަށެވެ. އެމަނިކުފާނު ވިދާޅުވީ، އެއީ އަދާލަތާއި އެމްޑީއޭކަމަށެވެ.
އަދި އެ ދެ ޕާޓީގެ ވިސްނުމަކީ ވެސް އެމްޑީޕީގެ ވިސްނުން ކަމަށާއި އެއީ ގައުމު ކުރިއެރުވުމާއި، ރައްޔިތުންނަށް ބޭނުންވާ ހިދުމަތްތައް ފޯރުކޮށްދިނުން ކަމަށް ރައީސް ޞާލިޙް ވިދާޅުވިއެވެ. ރައީސް ވިދާޅުވީ ރިޔާސީ ކެމްޕެއިންގައި ވާ ވައުދުތައް އެ ދެ ޕާޓީއާއެކު ރައްޔިތުންނަށް ކުރިއަށް އޮތް ފަސް އަހަރު ތެރޭގައި ފުއްދަވައިދެއްވާނެ ކަމަށެވެ.
އެއީސޯލިހަން ދެވަނަ ދައުރެން ހޯދަދޭންއުޅޭތީތަ