ޕާކިސްތާނުގައި އިގްތިސާދީ ނުރައްކާ "އާދަޔާ ހިލާފަށް ބޮޑު" ކަމަށް އައިއެމްއެފްގެ ރިޕޯޓުގައި ބުނެފި
އިންޓަނޭޝަނަލް މަނިޓަރީ ފަންޑް (އައިއެމްއެފް) އިން ބުނީ ޕާކިސްތާނަށް ކުރިމަތިވެފައިވާ އިގްތިސާދީ ގޮންޖެހުންތަކަކީ "ކޮމްޕްލެކްސް އަދި ގިނަ ގުނަ ގޮންޖެހުންތަކެއް" ކަމަށާއި އެކަމުގެ ނުރައްކާ ވަރަށް ބޮޑު ކަމަށެވެ.
މިދިޔަ އަންގާރަ ދުވަހު ޕާކިސްތާނުގެ އިގްތިސާދަށް ބޮޑެތި ޝޮކްތަކެއް އައިސްފައިވާ ކަމަށާއި އޭގެ ތެރޭގައި 30 ބިލިއަން ޑޮލަރަށް ވުރެ ބޮޑު ގެއްލުމެއް ލިބުނު ފެންބޮޑުވުމާއި ޔޫކްރެއިންގައި ހިނގި ހަނގުރާމައާއި އެހެނިހެން "ފިސްކަލް އަދި އެކްސްޓާނަލް ޕްރެޝަރުތައް" ހިމެނޭ ކަމަށް ދުނިޔޭގެ ބޭންކުން އަންގާރަ ދުވަހު ނެރުނު ރިޕޯޓެއްގައި ބުނެފައިވެ އެވެ.
"އެކަންކަން ހައްލުކުރުމަށް އެއްބަސްވެފައިވާ ސިޔާސަތުތައް ދެމެހެއްޓެނިވި ގޮތެއްގައި ތަންފީޒުކުރުމާއި، ބޭރުގެ ބައިވެރިންގެ މާލީ އެހީތެރިކަން ދެމެހެއްޓެނިވި ގޮތެއްގައި ކުރިއަށް ގެންދަން ޖެހެއެވެ. އަދި ރިސްކް ތައް ކުޑަކޮށް މެކްރޮއިކޮނޮމިކް ސްޓޭބިލިޓީ ދެމެހެއްޓުމަށް ޓަކައި ޕްރޮގްރާމް އެގްރީމެންޓްތައް ދެމެހެއްޓެނިވި ގޮތެއްގައި އަދި ނިންމަންޖެހޭ ގޮތަށް ތަންފީޒު ކުރުމަކީ ކޮންމެހެން ބޭނުންތެރި ކަމެއް،" 120 ސޮފްހާގެ ރިޕޯޓުގައި ވެ އެވެ.
އައިއެމްއެފުން މި ރިޕޯޓް ނެރެފައި މިވަނީ 220 މިލިއަން މީހުންގެ އާބާދީއެއް އޮންނަ ދެކުނު އޭޝިއާގެ ގައުމުގެ އިގްތިސާދު ހަމައަކަށް އެޅުމަށް ޓަކައި ގާތްގަނޑަކަށް 1.2 ބިލިއަން ޑޮލަރުގެ ބެއިލްއައުޓް ޕްރޮގްރާމެއް ފާސްކުރިތާ ހަފުތާއެއް ފަހުންނެވެ.
ޕާކިސްތާނު ރުޕީސްގެ ބާޒާރުން ކަނޑައެޅިފައިވާ އެކްސްޗޭންޖް ރޭޓާއި ހަކަތައިގެ އަގު ބޮޑުކުރުމާއި ހަކަތައިގެ ދާއިރާއަށް ގެންނަންޖެހޭ އެހެނިހެން އިސްލާހުތައް ގެނައުމުގެ ޝަރުތުތައް ބޭންކުން ވަނީ ބެއިލްއައުޓަށް ހަރުކަށި ޝަރުތުތަކެއް ކަނޑައަޅާފައެވެ.
އަދި މިއަހަރުގެ ތެރޭގައި ޓެކްސް އެމްނެސްޓީގެ އާ ސްކީމެއް ތައާރަފް ނުކުރާނެ ކަމަށާއި އަދި ޓެކުހަށް ލުޔެއް ނުދޭނެ ކަމަށް ވެސް ސަރުކާރުން ވަނީ އައިއެމްއެފްއަށް އަންގާފަ އެވެ.
