ލަންކާގެ ރައީސް އިންޑިއާއަށް
ދެކުނު އޭޝިއާގެ ގައުމުތަކުގެ މެދުގައި އިގްތިސާދީ ގުޅުން ބަދަހިކުރުމުގެ އުއްމީދުގައި ސްރީލަންކާގެ ރައީސް ރަނިލް ވިކްރަމަސިންހަ ދެ ދުވަހުގެ ދަތުރުފުޅެއްގައި ބުރާސްފަތި ދުވަހު ނިއު ދިއްލީއަށް ވަޑައިގަންނަވަނީ.---ފޮޓޯ: ނިޝާން އަލީ/މިހާރު
އިންޑިއާގެ ބޮޑުވަޒީރު ނަރެންދުރަ މޯދީއާ އެކު އަންނަ ހުކުރު ދުވަހު ބޭއްވުމަށް ހަމަޖެހިފައިވާ ބައްދަލުކުރެއްވުމުގައި ސްޓްރެޓެޖިކް ގޮތުން މުހިންމު ހަކަތައާއި ކަރަންޓާއި ބަނދަރުގެ މަޝްރޫއުތަކާ ބެހޭ ގޮތުން މަޝްވަރާ ކުރައްވާނެ ކަމަށް ދެ ގައުމުގެ އޮފިޝަލުން ވިދާޅުވި އެވެ.
މީގެ އަހަރެއްހާ ދުވަސް ކުރިން ރައީސްކަމާ ހަވާލުވެވަޑައިގަތުމަށްފަހު، ވިކްރަމަސިންހަ އިންޑިއާއަށް ކުރައްވާ ފުރަތަމަ ދަތުރުފުޅުގައި، އެ ރަށުގެ އިގްތިސާދު ހަމައަކަށް އެޅުވުމަށް ކުރެވިފައިވާ މަސައްކަތްތަކުގެ މައުލޫމާތު ވެސް ނިއު ދިއްލީއަށް ދެއްވާނެ އެވެ.
ނިއު ދިއްލީއަކީ އާދަޔާ ހިލާފަށް ދެކުނުގެ އަވަށްޓެރި ގައުމަކާ އެކު ބަދަހި ގުޅުމެއް ބާއްވަމުން އަންނަ ގައުމަކަށް ވާއިރު، އިންޑިއާ ކަނޑުގައި ސްޓްރެޓެޖިކް ގޮތުން އެ ގައުމު އޮތުމުގެ ސަބަބުން އިންޑިއާ އާއި ޗައިނާއާ ދެމެދު އޮންނަ ޖޯސްޓިން ގްރައުންޑަކަށް ވަނީ ވެފަ އެވެ.
ނޫސްވެރިންނާ ވާހަކަ ދެއްކުމުގެ ބާރު ލިބިފައި ނުވާތީ ނަން ހާމަނުކޮށް ވާހަކަ ދައްކަމުން އިންޑިއާގެ އޮފިޝަލަކު ވިދާޅުވީ، މި ދަތުރުފުޅުގައި އިރުއުތުރުގެ އައްސޭރިފަށުގެ ސިޓީއެއް ކަމަށްވާ ޓްރިންކޮމަލީގައި ތަރައްގީގެ މަޝްރޫއުތަކުގެ އެއްބަސްވުމެއް އިއުލާނު ކުރާނެ ކަމަށާއި އިއާދަކުރަނިވި ހަކަތައިގެ މަޝްރޫއުތަކުގެ އިތުރު އެއްބަސްވުމެއް ވެސް އޮންނާނެ ކަމަށެވެ.
