ސަރުކާރުން އަންގައިގެން، ސިޔާސީ މަސައްކަތް ކުރަނީ ފުލުހުން: ޝިޔާމް

ސިޔާސީ މަސައްކަތް، މިހާރު ކުރަމުން އަންނަނީ ފުލުހުން ކަމަށް ޕީޕީއެމްގެ ނައިބު ރައީސް އަޙްމަދު ޝިޔާމް ވިދާޅުވެއްޖެއެވެ.

Ads by STELCO

ޝިޔާާމް މިހެން ވިދާޅުވެފައި ވަނީ، އިދިކޮޅު ޕީޕީއެމުން ބޭއްވި ޖަގަހަ ޖަލްސާއެއްގައި ވާހަކަ ދައްކަވަމުންނެވެ.

ޝިޔާމް ވިދާޅުވީ މިއަދު ދިވެހި ފުލުހުންނާއި ސިފައިން ސަރުކާރުން އަންގައިގެން ކުރާ މަސައްކަތްތަކަކީ ސިޔާސީ މަސައްކަތް ކަމަށާއި، ރާއްޖޭގައި މިއަދު އޮތް މައްސަލަތަކުގެ ތެރެއިން ދިވެހިން އެންމެ ކަންބޮޑުވާ ކަމަކީ ދިވެހިންގެ މިނިވަންކަމަށް އެޅިފައި އޮތް ހުރަސް ކަމަށެވެ.

"ރާއްޖޭގެ ރައްޔިތުންނަށް މިއަދު މިނިވަންކަން އިހްސާސް ނުވޭ. މިކަމަށް ހައްލެއް ހޯއްދަވައިދޭނެ ލީޑަރަކު ނެތް ރައީސް ޔާމީން ފިޔަވާ. އެހެންވީމަ އަޅުގަނޑުމެން މިކުރާ މަސައްކަތް މިއޮތީ ގައުމީ މަސައްކަތަށް ވެފަ." ޝިޔާމް ވިދާޅުވިއެވެ.

ދިވެހިންގެ ރާއްޖެ އަނބުރާ ހޯދުމަށް އިދިކޮޅުން ކުރަމުންދާ މަސައްކަތްތަކަށް، ސަރުކާރުން އަންގައިގެން ހުރަސް އަޅައި މީހުން ހައްޔަރު ކުރާކަން ފާހަގަކުރައްވައި ޝިޔާމް ވިދާޅުވީ އެއީ ސިޔާސީ މަސައްކަތް ކަމަށެވެ.

ޝިޔާމް އިތުރަށް ވިދާޅުވީ، ރައްޔިތުންނަށް އަނިޔާ ކުރަން ސަރުކާރުން ގޮވައިލާ ގޮވައިލުމަކީ ޣައިރު ޤާނޫނީ އަމުރުތަކެއް ކަމަށާއި، ދިވެހި ފުލުހުންނާއި ސިފައިންވެސް އެ އަމުރުތަކަށް ތަބާވާންޖެހޭ އެއްވެސް ޤާނޫނެއް ނޯންނާނެ ކަމަށެވެ.

މީގެއިތުރުން، ރާއްޖެއަކީ މިނިވަން މުސްތަގިއްލު ދައުލަތަކަށް ވާއިރު، ރާއްޖޭގެ ދާހިލީ ކަންކަމުގެ ތެރެއަށް މިއަދު އިންޑިއާއިން ވަންނަމުންދާކަން ފާހަގަކުރައްވައި، ޝިޔާާމް ވަނީ ކަންވޮޑުވުންފާޅު ކުރައްވައިފައެވެ.