ޕީއެންސީގެ ރިޔާސީ ކެނޑިޑޭޓަކަށް ޑރ. މުޢިއްޒު 

ޕީޕަލްސް ނެޝަނަލް ކޮންގްރެސް(ޕީއެންސީ)ގެ ޓިކެޓުގައި މި އަހަރުގެ ރިޔާސީ އިންތިޚާބުގައި ވާދަ ކުރައްވަނީ މާލޭގެ މޭޔަރު ޑރ. މުހައްމަދު މުއިއްޒު ކަމަށް ނިންމައިފިއެވެ.

Ads by Sosun Fihaara

އެންސީގެ ރިޔާސީ ޓިކެޓަށް ވާދަކުރުމުގެ ފުރުސަތު ހުޅުވާލާފައިވަނީ މިއަދުގެ މެންދުރު 2:00 އާ ހަމައަށެވެ. އެ ފުރުސަތުގައި ފޯމް ހުށަހެޅުއްވީ މުއިއްޒު އަދި އާދަމް ޝަރީފް އެކަންޏެވެ.

މިއަދު ހަވީރު، ޕީއެންސީގެ މަޝްވަރާ މަޖިލީހުން ވަނީ އެ ދެ ބޭފުޅުންގެ މެދުގައި ސިއްރު ވޯޓެއް ނަގައިފައެވެ.

މުއިއްޒު ޕީއެންސީގެ ޓިކެޓް ކަށަވަރު ކުރެއްވީ، ޕީއެންސީގެ މަޝްވަރާ މަޖިލީހުގެ 48 ބޭފުޅުންގެ ތެރެއިން 25 ވޯޓުންނެވެ. އާދަމް ޝަރީފަށް ލިބިވަޑައިގެންނެވީ 23 ވޯޓެވެ.