އޮންލައިންކޮށް ރީ-ރަޖިސްޓްރީ ވުމަށް 22،800އަށްވުރެ ގިނަ ފޯމު ހުށަހަޅައިފި
މި އަހަރުގެ ރިޔާސީ އިންތިޚާބުގައި ވޯޓުލުމަށް، ރީ-ރަޖިސްޓްރީ ކުރުމަށް އޮންލައިންކޮށް ހުޅުވައިލި މުއްދަތުގެ ތެރޭގައި 22،800 އަށްވުރެ ގިނަ ފޯމު ހުށަހަޅާފައިވާކަމަށް އިލެކްޝަންސް ކޮމިޝަން(އީސީ) އިން ވިދާޅުވެއްޖެއެވެ.
އޮންލައިންކޮށް ރީ-ރެޖިސްޓްރީ ވުމަށް ހުޅުވާލި މުއްދަތު ރޭ 12:00އާ ހަމައަށް ވަނީ ހަމަވެފައެވެ.
އީސީއަށް ޖުމްލަ 22،882 ފޯމު ހުށަހަޅާފައިވާއިރު، އޭގެތެރެއިން ރަޖިސްޓްރީ ކޮށްފައި ވަނީ 18،088 ފޯމެވެ.
އަދި އެކި ސަބަބުތަކާހުރެ 4،794 ފޯމެއް ވަނީ ރިޖެކްޓްކޮށްލާފައެވެ.
އޮންލައިންކޮށް ރީ-ރަޖިސްޓްރީވުމުގެ މުއްދަތު ހަމަވިނަމަވެސް އަންނަ ހޮނިހިރު ދުވަހާ ހަމައަށް ކަރުދާސް ފޯމުތައް މެދުވެރިކޮށް ރީ-ރަޖިސްޓްރީވުމަށް ހުށަހެޅޭނެ ކަމަށް އެ ކޮމިޝަނުން ބުންޏެވެ.
މިހައިތަނަށް ރީ-ރަޖިސްޓްރީވުމަށް ޖުމްލަ 30،000 އަށްވުރެ ގިނަ ފޯމު އެ ކޮމިޝަނަށް ވަނީ ހުށަހަޅައިފައެވެ.
