ރީ-ރަޖިސްޓްރޭޝަންގެ މުއްދަތު މާދަމައަށް ހަމަވާނެ
ރަށްވެހިވެފައިވާ ރަށްނޫން، އެހެން ތަނެއްގައި ވޯޓުލުމަށް، ރީ-ރަޖިސްޓްރޭޝަނަށް ހުޅުވާލި މުއްދަތު މާދަމައަށް ހަމަވި ނަމަވެސް ދެން މުއްދަތު އިތުރު ނުކުރާނެކަމަށް އިލެކްޝަންސް ކޮމިޝަނުން ބުނެފިއެވެ.
ރީ-ރަޖިސްޓްރީވެފައިވާ ފަރާތްތަކުގެ މަޢުލޫމާތު އިލެކްޝަންސް ކޮމިޝަންގެ ވެބްސައިޓުގައި ހާމަކުރުމުގެ އިތުރުން ސިޔާސީ ޕާޓީތަކާވެސް ޙިއްސާކުރަމުންދާކަމަށް އެކޮމިޝަނުން ވިދާޅުވެއެވެ.
ރީ-ރަޖިސްޓްރޭޝަން މަރުޙަލާގެ ކަންކަން ވީހާވެސް އަވަހަށް ފުރިހަމަކުރުމަށްޓަކާ، އެންމެ ފަހު ވަގުތަށް ނުތިއްބަވާ، އެކަންކަން ފުރިހަމަކުރެއްވުމަށް އިލެކްޝަންސް ކޮމިޝަނުން ވަނީ އިލްތިމާސްކުރައްވާފައެވެ.
މިހާތަނަށް ރީ-ރަޖިސްޓްރީވުމަށް ޖުމްލަ 30،000 އަށްވުރެ ގިނަ ފޯމު އިލެކްޝަނަށް ވަނީ ހުށަހަޅުއްވާފައެވެ. އޭގެ ތެރޭގައި ކަރުދާސް ފޯމުގައި އިލެކްޝަނަށް އަތޮޅުތަކުގެ ރަށްރަށުގެ ކައުންސިލް އިދާރާތަކަށާއި، ރިސޯޓްކަކާއި، މާލޭގެ ކައުންޓަރުތަކަށް ލިބުނު ފޯމުތައްވެސް ހިމެނެއެވެ.
އިލެކްޝަންސް ކޮމިޝަންގެ ނައިބް ރައީސް އިސްމާއިލް ހަބީބް ވިދާޅުވީ ރީ-ރަޖިސްޓްރޭޝަންގެ މުއްދަތު، އިލެކްޝަންސް ކޮމިޝަނުން، ދެން އިތުރު ނުކުރު ނުކުރާނެކަމަށެވެ.
