މެންބަރު ޔާސިރު އާއި މޭޔަރު އާތިފް އެނބުރި އެމްޑީޕީއަށް
ދަ ޑިމޮކްރެޓްސް ޕާޓީ ދޫކޮށް ކުޅުދުއްފުށީ އުތުރު ދާއިރާގެ މެމްބަރު ޔާސިރު އަބްދުއްލަތީފް އާއި ކުޅުދުއްފުށި ސިޓީގެ މޭޔަރު މުހައްމަދު އާތިފް އަލުން އެމްޑީޕީއާ ގުޅިވަޑައިގެންފިއެވެ.
މޭޔަރު އާތިފާއި މެމްބަރު ޔާސިރު އެމްޑީޕީއަށް އަލުން ސޮއިކުރެއްވީ ސޯލްޓް ކެފޭގައި ރައީސް އިބްރާހީމް މުހައްމަދު ޞާލިހާއެކު މިރޭ ބޭއްވި ބައްދަލުވުމެއްގައެވެ.
މި ބޭފުޅުންނާ އެކު ކުޅުދުއްފުށި ކައުންސިލަރުންތަކެއް ވެސް އެމްޑީޕީއަށް މިރޭ ވަނީ ސޮއިކުރައްވާފަ އެވެ. އެއާއެކު އެ ކައުންސިލްގެ މެޖޯރިޓީ ވަނީ އެމްޑީޕީއަށް އަލުން ލިބިފަ އެވެ. މި ބޭފުޅުން ޑިމޮކްރެޓްސް ދޫކޮށްލި ސަބަބެއް އަދި ހާމަކޮށްފައެއް ނުވެ އެވެ.
ޑިމޮކްރެޓްސް އަކީ ރައްޔިތުންގެ މަޖިލީހުގެ ރައީސް މުހައްމަދު ނަޝީދާއި އެމަނިކުފާނަށް ތާއީދުކުރާ އެމްޑީޕީގެ ބަޔަކު އެ ޕާޓީން ވަކިވެވަޑައިގެން އުފެއްދި ޕާޓީއެކެވެ. އެ ބޭފުޅުން އެމްޑީޕީން ވަކިވީ އެ ޕާޓީގެ ރިޔާސީ ޕްރައިމަރީގައި ރައީސް އިބްރާހިމް މުހައްމަދު ސޯލިހާ ވާދަކޮށް ނަޝީދަށް ލިބުނު ނާކާމިޔާބީއަށް ފަހު އެމްޑީޕީގައި "ފިކުރެއްގެ ދިރުން" ނަމުގައި ފެކްޝަނެއް ހަދައިގެން ދުވަސްތަކެއް ވަންދެން އުޅުމަށްފަހުއެވެ.
Ads by STO
