ރިޔާސީ ބަހުސް އޮންނަ ރޭ އެމްޑީޕީން ބޮޑު ޖަލްސާއެއް ބާއްވަނީ
"އުފާވެރި މާލެ" މި ނަމުގައި އަންނަ ހުކުރު ދުވަހުގެ ރޭ، މާލޭގައި ކެމްޕެއިން ޖަލްސާއެއް ބާއްވަން އެމްޑީޕީން ނިންމައިފިއެވެ.
އެމްޑީޕީން ބުނީ، މި ޖަލްސާ އޮންނާނީ، އެ ރޭ، 8:30ގައި، ކާނިވާ ސަރަހައްދުގައި ކަމަށެވެ.
އެ ރެއަކީ އެމްއެންޔޫ އާއި ޕީއެސްއެމްއިން ގުޅިގެން ރިޔާސީ އިންތިޚާބުގައި ވާދަކުރައްވާ އަށް ކެންޑިޑޭޓުންގެ މެދުގައި ރިޔަސީ ބަހުސް ބާއްވާ ރެއެވެ.
ރިޔާސީ ބަހުސް ބޭއްވުމަށް ހަމަޖެހިފައިވަނީ 1 ސެޕްޓެމްބަރުވާ ހުކުރު ދުވަހުގެ ރޭ 9:00 އިން 11:00 އަށެވެ.
ރިޔާސީ ބަހުސްގައި ބައިވެރިވެވަޑައިގަތުމާ މެދު ކުރިން ޖަވާބެއް ނުދެއްވާ ހުންނެވުމަށްފަހު އިއްޔެގެ ވަގުތެއްގައި ރައީސް އިބްރާހީމް މުޙައްމަދު ޞާލިޙުގެ ކެމްޕެއިން ތަރުޖަމާނު މާރިޔާ އަޙްމަދު ދީދީ ވަނީ އެ ބަހުސްގައި ބައިވެރިވެވަޑައިގަންނަވާނެ ކަމަށް ވިދާޅުވެފައެވެ.
އެހެން ނަމަވެސް މިއަދު އެމްޑީޕީން ވަނީ ބަހުސް އޮންނަ ދުވަހުގެ ރޭ 8:30 އިން ފެށޭ ބޮޑު ޖަލްސާއެއް މާލޭ ކާނިވަލް ސަރަހައްދުގައި ބާއްވާނެކަން އިއުލާންކޮށްފައެވެ.
އެހެންކަމުން، ރައީސްއަށް ރިޔާސީ ބަހުސްގައި ބައިވެރިވެވަޑައިގެންނެވިދާނެކަމާއިމެދުގައި މި ވަނީ ސުވާލު އުފެދިފައެވެ.
އެންމެނާގާބިލުު ރިޔާސީކެންޑިޑޭޓަކީީ އިބޫޫ ރިޔާސީީ ބަހުސްގަަ ބައިވެރިދުވަހަކުވެސްް ބައިވެރިނުވާާ ބޮޑުު ފިޑިއެއްް ވާހަކަދައްކަންވެސްް ނޭގޭެ އިބޫޫ ގެއައްކަޑާލާާ