ހުޅުމާލެ އުނިގަސް މަގުގައި މަރުވެފައި އޮތް މީހަކު ފެނިއްޖެ

ހުޅުމާލޭގެ އުނިގަސް މަގުން މަރުވެފައި އޮތް މީހަކު ފެނިއްޖެއެވެ.

Ads by STELCO

ފުލުހުން ވިދާޅުވީ، އެމީހާ އެމަގުގައި ވެއްޓިފައި އޮތްކަމުގެ މައުލޫމާތު ފުލުހުންނަށް ލިބުނީ މިއަދު ހެނދުނު 8:02 ހާއިރު ކަމަށާއި، އެ މީހާ ގެންދެވުނީ ހުޅުމާލެ ހޮސްޕިޓަލަށް ކަމަށެވެ.

ހޮސްޕިޓަލަށް ގެންދިޔައިރު، އެމީހާ ނިޔާވެފައިވާ ކަމަށް ހޮސްޕިޓަލުން ވަނީ ފުލުހުންނަށް މައުލޫމާތު ދީފައެވެ. ފުލުހުން ވިދާޅުވީ އެއީ ބިދޭސީ ފިރިހެނެއް ކަމަށާއި، ވެއްޓުނީ ޖޮގިންއަށް ގޮސް އުޅެނިކޮށް ކަމަށް ބެލެވުނަސް، އެމީހާ އަކީ ކާކުކަން ދެނެގަނެވިފައި ނުވާ ކަމަށެވެ.

މި މައްސަލަ ބަލަމުން އަންނަ ކަމަށް ފުލުހުން ބުނެއެވެ.