ސަޢީދު ވިދާޅުވަނީ، ޗާގޯސް ކަނޑާއި މަލިކުން ވެސް ގޯތި ކަނޑައިފާނެ ކަމަށް

ވިހި މީޓަރު ފުން ކަނޑުން އިންތިޚާބަށް ހަފްތާއަކަށް ވުމުން، ގޯތިކަނޑާބަޔަކު، އުތުރުތިލަފަޅުގެ އިތުރުން، ޗާގޯސްކަނޑާއި މަލިކުންވެސް ގޯތި ކަނޑާފާނެ ކަމަށް ޕީއެންސީގެ ނައިބު ރައީސް، އަދި މަޖިލީހުގެ މާވަށު ދާއިރާގެ މެމްބަރު، މުޙައްމަދު ސައީދު ވިދާޅުވެއްޖެއެވެ.

Ads by STELCO

ވެރިރަށް މާލޭގައި ދިރިއުޅޭތާ 20 އަހަރަށް ވުރެ ގިނަ ދުވަސްވީ މީހުންނަށް ގޯތި ދެއްވާނީ ކ. އުތުރުތިލަފަޅުން ކަމަށް ރައީސް އިބްރާހީމް މުޙައްމަދު ސާލިހު ރޭ  ވަނީ ވިދާޅުވެފައެވެ.

ރިޔާސީ އިންތިޚޒޒބަށް ހަ ދުވަހަށް ވުމުން، ރައީސް މި ވައުދުވެވަޑައިގެންނެވީ، ރޭ އެމްޑީޕީން ”ސޯސަން ޖަގަހަ“ގައި ބޭއްވި ޖަލްސާގައެވެ.

‏މިކަމާ ގުޅިގެން، ސައީދު ފޭސްބުކްގައި ކުރެއްވި ޕޯސްޓެއްގައި މިއަދު ވިދާޅުވީ، އިންތިޚާބަށް ބާކީ އޮތް ފަސް ދުވަހު، ރައީސް އިބްރާހީމް މުޙައްމަދު ޞާލިޙު ބޮލީވުޑް ފިލްމަކަށް އެކްޓްކުރެއްވިޔަސް މީހަކު  ހައިރާން ނުވާނެ ކަމަށެވެ.

‏"ހިތްވަރެެއްހުރިއްޔާ އުތުރުތިލަފަޅުގެ އެއްބަސްވުން މަޖިލީހަށާއި ރައްޔިތުންނަށް ހާމަކުރައްވާ!" ސައީދު ގޮވައިލެއްވިއެވެ.

‏އޭނާ އިތުރަށް ވިދާޅުވީ، ހދ.ހަނިމާދުއާއި އައްޑޫ ސިޓީގައިވެސް މީހުން ދިރިއުޅޭ ކަމަށެވެ.

"ހާމަ ނުކޮށްގެން މިއުޅެނީ، ހަނިމާދޫއެއަރޕޯޓަށް (33+33އަހަރަށް) ވެފައިވާއެއްބަސްވުމާއި، ހަނިމާދޫ އެއަރޕޯޓްގެ (138މިލިއަންޑޮލަރު ދަރަނީގެ) އެއްބަސްވުން."

‏ޑޯނިއާއިން ބޭރު ސިފައިން އައިސްގޮސްއުޅޭއިރު، އިމިގްރޭޝަނަށް އެނގުމެއް ނުވުމާއި، އެތެރެކޮށް ބޭރުކުރާ އެއްޗެއް މޯލްޑިވްސް ކަސްޓަމްސް ސަރވިސްއަށް ނޭނގޭ ކަމަށް ވެސް ސައީދު ވިދާޅުވިއެވެ.