މުޢިއްޒުގެ ގެއަށް މަސްތުވާަކެތި ވައްދައި، ރެއިޑް ކުރަން އުޅޭ ކަމަށް ބުނެ ފެތުރީ ދޮގެއް: ފުލުހުން
ރިޔާސީ އިންތިޚާބުގައި ވާދަކުރައްވާ ޕީއެންސީގެ ކެންޑިޑޭޓު ޑރ. މުޙައްމަދު މުޢިއްޒުގެ ގެ, މ. ދިމްޔާތަށް މަސްތުވާތަކެތި ވައްދައި ފުލުހުން ރެއިޑް ޖަހަން އުޅޭ ކަމަށް ބުނެ ފަތުރަމުންދާ ޚަބަރުތައް އެ އިދާރާއިން ދޮގު ކުރައްވައިފިއެވެ.
މިއަދު ނެރުއްވި ބަޔާނެއްގައި ފުލުހުން ވަނީ ޗެނަލް 13 އިން އެފަދަ މޭރުމަކުން ޚަބަރު ގެނެސްދީފައިވާ ކަމަށް ވިދާޅުވެފައެވެ. އަދި ބައެއް ފަރާތްތަކުން ވެސް ވަނީ އެފަދަ މެސެޖުތަކެއް ސޯޝަލް މީޑިއާގައި ދައުރުކޮށްފައެވެ.
ޗެނަލް 13 ގެ އެ ޚަބަރަކީ އެއްވެސް ހަގީގަތެއް އެކުލެވިފައިނުވާ, ސިޔާސީ މަޤްސަދެއް ހާސިލުކުރުމަށާއި، ދިވެހި ފުލުހުންގެ ޚިދުމަތުގެ އަގު ވައްޓާލުމުގެ ގޮތުން ގެނެސްފައިވާ ކަނޑައެޅިގެން ދޮގު ޚަބަރެއް ކަމަށް ވެސް ފުލުހުން ވިދާޅުވިއެވެ.
އެ އިދާރާއިން ވަނީ މައުލޫމާތުގެ ސައްހަކަން ކަށަވަރު ކުރުމަށް އެއްވެސް މަސައްކަތެއް ނުކޮށް ހަޤީޤަތާއި ޚިލާފު ދޮގު މައުލޫމާތު ފެތުރުން ކުށްވެރި ކުރައްވައިފައެވެ.
ނުވެއްދެނީސް ފަޅާއެރީ ދޯ