ނިޒާމީ ވޯޓު ނަގައިފިއްޔާ، ވޯޓު ދޭނީ ރިޔާސީ ނިޒާމަށް: މަހުލޫފު
ނިޒާމީ ވޯޓެއް ނަގައިފިނަމަ، އޭނާ ވޯޓު ދެއްވަވާނީ ބަރުލަމާނީ ނިޒާމަށް ކަމަށް ޔޫތު މިނިސްޓަރު އަޙުމަދު މަހުލޫފު ވިދާޅުވެއްޖެއެވެ.
މަހުލޫފު މިހެން ވިދާޅުވީ ރާއްޖެ ޓީވީގެ "ފަލަ ސުރުޚީ" ޓޯކްޝޯގައި މިރޭ ވާހަކަ ދައްކަވަމުންނެވެ. އޭނާ ވިދާޅުވީ، ނިޒާމު ބަދަލުކުރުމަކީ އެތައް ފައިސާއެއް ޚަރަދުކޮށްގެން ކުރަން ޖެހޭ ކަމެއް ކަމަށެވެ.
"އަޅުގަނޑަކީ އޭރުގައި ރައީސް މައުމޫން އިރުގަ، ވަރަށް ގަދަޔަށް ރިޔާސީ ނިޒާމުގެ ކެމްޕެއިނުގައި އުޅުނު މީހެއް. ދެން ތިބުނާހެން، ކޮންމެ ފަސް އަހަރަކުން، ރައީސުލްޖުމްހޫރިއްޔާގެ އިންތިޚާބާއިއެކު ނިޒާމު ބަދަލު ކުރަން، ވިސްނުން އައީމަކާ، ކަމަކު ނުދޭ." އޭނާ ވިދާޅުވިއެވެ.
ރައީސް މުޙައްމަދު ނަޝީދު އެމްޑީޕީއާއި އަލުން ގުޅިވަޑައިގަންނަވަން ފާޅު ކުރެއްވި ޝައުގުވެރިކަން، މަހުލޫފު ސިފަ ކުރެއްވީ އޮޅިވަޑައިގަންނަވާ ގޮތަށް އެމަނިކުފާނު ދައްކަވާ ވާހަކައެއް ގޮތަށެވެ. އޭނާ ވިދާޅުވީ އެމްޑީޕީގެ އާއްމު މެމްބަރުން މިއަދު ތިބީ ރޯން ކަމަށާއި، އިންތިޚާބު ބޯމަތިވީއިރު ވެސް ޚިޔާލުތަފާތުވުންތައް އެއްގޮތް ނުކުރެވުނު ކަމަށެވެ.
މަހުލޫފު ބަރުލަމާނީއާ ދެކޮޅުކަން ހާމަކުރެއްވިއިރު، އެމްޑީޕީގެ ޗެއާޕާސަން ފައްޔާޒު އިސްމާޢީލު ވެސް ވަނީ ބަރުލަމާނީއަށް "ނޯ" ވިދާޅުވެފައެވެ. އޭނާ ވިދާޅުވީ ރައްޔިތުންގެ ނިންމުމަށް އިޙްތިރާމް ކުރަން ޖެހޭ ކަމަށާއި، އިންތިޚާބީ ރައީސް ޑރ.މުޙައްމަދު މުޢިއްޒުއަށް ވެރިކަން ކުރުމުގެ ފުރުޞަތު ދޭން ޖެހޭ ކަމަށެވެ.
ލިޔުމުގައި ދެ ގޮތަށް އެބަ އޮތް މަހްލޫފް ތާއީދު ކުރައްވަނީ ރިޔާސީ ނިޒާމަށް ބަރުލަމާނީ އަކަށެއް ނޫން ރަނގަޅު ކޮއްލާ