ރިޔާސީ ކެމްޕެއިނަށް ދެމި ދިދަފަތިތައް ނަގަން ފަށައިފި
ރިޔާސީ އިންތިޚާބުގެ ކެމްޕެއިނަށް އެކި ސިޔާސީ ޕާޓީތަކުންނާއި ކެންޑިޑޭޓުން ވެރިރަށް މާލޭގެ މަގުތަކުގައި ދަމާފައި ހުރި ދިދަފަތިތައް ނަގަން ފަށައިފިއެވެ.
މާލެ ސިޓީ ކައުންސިލުން ބުނީ މާލޭގެ އެކި މަގުތަކުގައި ދަމާފައިވާ ކެމްޕޭން ދިދަތައް ނަގަން ފަށާފައިވާ ކަމަށެވެ.
ރިޔާސީ އިންތިޚާބުގެ ކެމްޕެއިނަށް މާލޭގެ މަގުތަކާއި ގޯޅިތަކުގައި، އެކި ޕާޓީތަކުން ދިދަތަކާއި ބެނާތައް ވަނީ ދަމާފައެވެ.
މީގެ ތެރެއިން އެންމެ ގިނައިން ފެންނަނީ ޕީޕީއެމާއި އެމްޑީޕީގެ ދިދަފަތިތަކާއި ބެނާތަކެވެ.
ޖުމްހޫރީ ޕާޓީއާއި އެމްއެންޕީގެ ދިދަފަތިތަކާއި ބެނާތައް ވެސް ކޮންމެވެސް ވަރަކަށް ފެނިފައިވެއެވެ.
އިންތިޚާބުގެ ފޯރި ގަދަވެ، ރާއްޖޭގެ އެކި ރަށްރަށުގައި ވެސް ބެނާތައް ދަމައި، ކެންޑިޑޭޓުންގެ ޕޯސްޓަރުތައް ހަރު ކުރިއެވެ.
ނިމިގެން ދިޔަ ރިޔާސީ އިންތިޚާބު، ބޮޑު ތަފާތަކުން ކާމިޔާބު ކުރެއްވީ ޕީއެންސީގެ ރިޔާސީ ކެންޑިޑޭޓް، ޑރ.މުޙައްމަދު މުޢިއްޒުއެވެ.
Ads by STO
