ޕާކިސްތާނުގައި އަންހެން ކުދިންތަކެއް ކްރިކެޓް ކުޅުން މަނާކޮށްފި
ޗަރްބާގް ކްރިކެޓް ސްޓޭޑިއަމްގައި ކުރިއަށްދާ އަންހެން ކްރިކެޓް މެޗެއް ހުއްޓުވަން އާދީއްތަ ދުވަހު ޗަރްބާގްގެ ރައްޔިތުންނާއި ބައެއް ދުއާވެރިން ވަނީ ނުފޫޒު ފޯރުވާފަ އެވެ.
އެ މީހުން ބުނީ ކްރިކެޓްގައި ބައިވެރިވާ އަންހެން ކުދިންނަކީ މަޑުމައިތިރި އަދި އެ އަވަށުގައި ނުރަނގަޅު ކަމަށް ބެލެވޭ އަންހެން ކުދިން ކަމަށެވެ.
އުމުރުން 12 އަހަރުގެ ކުރިއަރަމުން އަންނަ އެތުލީޓެއް ކަމަށްވާ އައިޝާ އަޔާޒް އިސްނަގައިގެން ބާބޫޒާއީ އާއި ކަބަލް ތަހުސިލްއަށް ނިސްބަތްވާ އަންހެން ކުދިންގެ މެދުގައި މި މެޗު އިންތިޒާމް ކުރި އެވެ.
ނަމަވެސް މެޗު ފެށުމުގެ ކުރިން ގިނަ އަދަދެއްގެ ދުއާވެރިންނާއި މުސްކުޅިން އެތަނަށް ގޮސް އަންހެން ކުދިންނަށް އެކަމުގައި ބައިވެރިވުމަށް ހުރަސް އެޅި އެވެ.
"މެޗަށް އެކި ސަރަހައްދުތަކުގެ އަންހެން ކުދިން ދަނޑަށް އެއްވުމުން ބައެއް ދީނީ މީހުން އައިސް ރުޅިވެރިކަމާއި އެކު ކުޅުންތެރިންނާއި އިންތިޒާމުކުރާ ފަރާތްތަކަށް އެކަން މަނާކުރީ. އެމީހުން ހަޅޭއްލަވައި ހަޅޭއްލަވަމުން ދިޔައީ އަންހެން ކުދިން ހުޅުވާލައިގެން ކްރިކެޓް ކުޅުމަކީ އެންމެ ހުތުރު ކަމެއް ކަމަށާއި އެކަމަށް ދުވަހަކުވެސް ފުރުސަތު ނުދޭނެ ކަމަށް،" މަންޒަރު ދުށް ސައީދު އިގްބާލް ބުންޏެވެ.
އަދި ފަހުން އިމާމުން ލޯކަލް ކައުންސިލަރު އިހުސާނުالله ކާކީއަށް ގުޅައި މެޗު އިންތިޒާމްކުރާ ފަރާތްތަކާއި އަންހެން ކުޅުންތެރިން ވެސް އެ ސަރަހައްދު ދޫކޮށް ދިއުމަށް އެދުނު ކަމަށް އޭނާ ވިދާޅުވި އެވެ.
މުބާރާތް އިންތިޒާމުކުރާ އެއް ފަރާތް ކަމަށްވާ އަޔާޒް ނައިކް ބުނީ ސްވަޓްގެ ގިނަ އަންހެން ކްރިކެޓް ކުޅުންތެރިން ބޭނުންވަނީ ޕްރޮފެޝަނަލްކޮށް ކްރިކެޓް ކުޅެން ކަމަށެވެ.
"ވަރަށް ގިނަ އަންހެން ކުދިން އަހަންނަށް ގުޅައިގެން އެމީހުންނަށް ކްރިކެޓް މެޗުތައް އިންތިޒާމުކޮށް، ޑިސްޓްރިކްޓް ކްރިކެޓް ޓީމެއް ހަދައިގެން ފަސްޓް ކްލާސް މެޗުތައް ކުޅެން،" އޭނާ އާއި އޭނާގެ އަންހެން ދަރިފުޅު އައިޝާ އަޔާޒް އާއި ޕްރޮފެޝަނަލް ބައެއް ކުޅުންތެރިން ޗާރްބާގް ކްރިކެޓް ސްޓޭޑިއަމްގައި މެޗު އިންތިޒާމް ކުރީ މިންގޯރާގެ ސްޓޭޑިއަމްގައި ކޮންސްޓްރަކްޝަން މަސައްކަތް ކުރިއަށްދާތީ ކަމަށް އޭނާ ބުންޏެވެ.
އޭނާ ބުނީ އަންހެން ކުދިންނާއި އިންތިޒާމުކުރާ ފަރާތްތަކަށް އެމީހުންގެ ސަރަހައްދުގައި ކްރިކެޓް ކުޅުން ހުއްޓައިލުމަކީ ވަރަށް ބޮޑު ހައިރާންކަމެއް ކަމަށެވެ.
ދިވެހި ދެ ކުޅުންތެރިން ކަމަށްވާ ހުމެއިރާ އަހުމަދާއި ސަޕްނާ ބުނީ މެޗާ މެދު އެ ދެ ކުޅުންތެރިން ނާއި އެ މީހުންގެ ރަހުމަތްތެރިން ވަރަށް އުފާވި ކަމަށާއި ނަމަވެސް ދަނޑަށް އެރުމުން އެ ދެ ކުޅުންތެރިން ނަށް ކުޅުމުގެ ފުރުސަތު ނުދިން ކަމަށެވެ.
