ޗައިނާގެ އަވައްޓެރި ޤައުމުތަކަށް އެއީ ބިރެއް
ނުބައި މީހުންނަށް މައްސަލަތައް ދިމާވެއްޖެނަމަ ނުބައި ކަންކަން ކުރެއެވެ. ޗައިނާއަކީ އިގްތިސާދީ ގޮތުން ދިމާވެފައިވާ ދަތިތަކުގެ ސަބަބުން "ޓިކިން ޓައިމް ބޮމެއް" ކަމަށް ބުނެ ވާހަކަ ދައްކަވަމުން ޖޯ ބައިޑަން މިދިޔަ އޮގަސްޓް މަހު ވިދާޅުވި އެވެ. ތަޖުރިބާކާރުން ގެންދަވަނީ އެ ގައުމުގެ ފުރިހަމަ އަހަރުގެ ކުރިއެރުމަށް ކަނޑައަޅާފައިވާ ޓާގެޓް ރަސްމީ ފަސް ޕަސެންޓުގެ އަމާޒަށް ވުރެ ދަށްކުރަމުންނެވެ.
ނަމަވެސް މިދިޔަ މަހު ވިއެޓްނާމްގައި އުޅުއްވަނިކޮށް އެމެރިކާގެ ރައީސް ވަނީ ރާގު ބަދަލުކުރައްވައިފަ އެވެ. އަދި ދުނިޔޭގެ ދެވަނައަށް އެންމެ ބޮޑު އިޤްތިޞާދު މަޑުޖެހިފައި އޮތުމުން ޗައިނާއިން ޓައިވާނަށް އަރައިނުގަންނާނެ ކަމަށް ދެކެވަޑައިގަންނަވާ ކަމަށް އޭނާ ވިދާޅުވިއެވެ. އަދި ޗައިނާގެ ރައީސް ޝީ ޖިންޕިން "މިވަގުތު ހުންނެވީ އަތް ފުރިފައި" ކަމަށް އޭނާ ވިދާޅުވި އެވެ.
އެމެރިކާ އިން ސަލާމަތީ ގޮތުން ގާތް ގުޅުމެއް އުފައްދަމުން އަންނަ އަވަށްޓެރި ގައުމުތަކަށް ޗައިނާއަކީ ކިހާ ނުރައްކާތެރި ގައުމެއްކަމާ މެދު ބައިޑަން ދެކޮޅު މެސެޖްތަކެއް ދެއްވަމުން ގެންދަވާކަމީ ހައިރާންވާން ޖެހޭ ކަމެއް ނޫނެވެ. ފަހުގެ ތާރީޚަށް ބަލައިލުމުން އެނގެނީ ބޮޑެތި ބާރުތަކަކީ އުފުލިގެން ދިޔަޔަސް، ޕީކްވަމުން ދިޔަޔަސް ނުވަތަ ވެއްޓުނު ނަމަވެސް ނުރައްކަލެއް ކަމަށް ތާރީޚީ އިލްމުވެރިޔާ ވިކްޓާ ސެބެސްޓީން ވިދާޅުވެއްޖެ އެވެ.
އޭނާ ފާހަގަކުރައްވާ ގޮތުގައި ޖަރުމަނާއި ފަރަންސޭސިވިލާތާއި އިނގިރޭސި އެމްޕަޔަރާއި އުސްމާނީ އެމްޕަޔަރާއި އޮސްޓްރޯ-ހަންގޭރިއަން އެމްޕަޔަރ ފަދަ ގައުމުތަކުން ވެސް ހަނގުރާމަތައް އުފުލުމުގެ ކުރިންނާއި ފަހުން ހަނގުރާމަތައް ކުރި އެވެ. ރަޝިޔާއިން ޔޫކްރެއިންގައި މިހާރު ހިނގަމުންދާ ހަނގުރާމައަކީ އަވަށްޓެރި ގައުމަށް އަރައިގަނެ، ބާރު ދަށަށް ދިއުމުގެ މައްސަލައެކެވެ.
އެއީ، ޗައިނާގެ ބާރު ހަގީގަތުގައި ޕީކްވަމުން ދާނަމަ، ހާއްސަކޮށް ޗައިނާ އަކީ ނުރައްކާތެރި ގައުމަކަށް ވެދާނެ އެވެ. އެހެނީ ޝީއަށް "މިހާރު ނުވަތަ ދުވަހަކުވެސް ނުވާނެ" ވިސްނުމަކަށް ވަދެވިދާނެތީއެވެ- ޓައިވާނަށް ނުވަތަ ދެކުނު ޗައިނާ ކަނޑުގެ ބޮޑު ބައެއްގެ މައްޗަށް ދަޢުވާކުރުމަށް ޕީޕަލްސް ރިޕަބްލިކް އިން މާގިނަ ދުވަހެއް ވަންދެން އިންތިޒާރުކޮށްފިނަމަ، ކާމިޔާބު އަސްކަރީ ޙަމަލާއެއް ދިނުމުގެ ފުރުޞަތު ކުޑަވެގެންދާނެކަމަށް ޤަބޫލުކުރެވޭތީއެވެ. ބެއިޖިންއިން ހަމަ ޔަގީނުން ވެސް އަވަށްޓެރިން ރުޅިއަރުވާލައެވެ. މިސާލަކަށް މިދިޔަ ހަފުތާގައި ފިލިޕީންސް އިން ބުނާ ދެކުނު ޗައިނާ ކަނޑުގެ ހިލައިގެ އައުޓްކްރޮޕަކުން ފްލޯޓިން ބެރިއާއެއް ހަރުކުރި އެވެ.
