އެޗްއާރްސީއެމް އަށް އައްޔަން ކުރަން 8 ނަމެއް މަޖިލީހަށް

އެޗްއާރްސީއެމް އަށް އައްޔަން ކުރައްވަން ނަންތަކެއް މަޖިލީހަށް ފޮނުއްވީ އެ ކޮމިޝަންގެ ތިން މެމްބަރަކު މަގާމުން އިސްތިއުފާ ދެއްވާފައިވާތީ އާއި އެ ކޮމިޝަނުގެ މެމްބަރެއްގެ ދައުރު އަންނަ މަހުގެ 12 ވަނަ ދުވަހުގެ ނިޔަލަށް ހަމަވާތީއެވެ.

އެ މަގާމުތަކަށް ކުރިމަތިލުމަށް ހުޅުވާލި ފުރުސަތުގައި ކުރިމަތިލި މީހުންގެ ތެރެއިން އެ މަގާމުތަކަށް އައްޔަން ކުރައްވަން ރައީސް ސޯލިހަށް ފެނިވަޑައިގަންނަވާ 8 ބޭފުޅެއްގެ ނަން މަޖިލީހަށް ވަނީ ފޮނުއްވާފައެވެ.

މަޖިލީހުގެ މިއަދުގެ ޖަލްސާގައި އެ ނަންތައް އިއުލާން ކުރެއްވިއިރު އެ ނަންތައް ދިރާސާ ކުރަން މަޖިލީހުގެ ހިއުމަން ރައިޓްސް އެންޑް ޖެންޑަރ ކޮމިޓީ އަށް ވަނީ ފޮނުއްވާފައެވެ.

އެޗްއާރްސީއެމް އަށް އައްޔަން ކުރެއްވުމަށް ރައީސް ފޮނުއްވި 8 ނަމަކީ:

1- މަރިޔަމް ލައިޒާ / ހ.ފެހިއާލާ

2- އަލްއުސްތާޛު އިބްރާހިމް ޒާހިދު / ލިލީމާގެ، ގދ.ވާދޫ

3- ޑރ.އަދުހަމް އަބްދުﷲ / މއ.މާވެޔޮގެ

4- އާމިނަތު ޝިފާއަތު އަބްދުއްރައްޒާގު / ޑޯރެންސީވިލާ، ސ.ފޭދޫ

5- ހުސެއިން އަމްރު / ވ.ރޯށަން

6- މުއުމިނާ ވަހީދު / މ.ޖީއެނާ

7- އަޒްލީމާ އަހުމަދު / ދަފްތަރު ނަމްބަރު ރސ: 314/94

8- މުހައްމަދު ފައުޒީ / ބަހާރުމާގެ، ގއ ވިލިނގިލި