މެލޭޝިއާގެ އިމާރާތަކުން ވެއްޓި ނިޔާވި ޒުވާނާގެ ހަށިގަނޑު މާލެ ގެނެސްފި
މެލޭޝިއާގެ އިމާރާތަކުން ވެއްޓި ނިޔާވި އުމަރު އަޙްމަދު ނައީމްގެ ހަށިގަނޑު މިއަދު ހެނދުނު މާލެ ގެނެސްފިއެވެ.
މަޢުލޫމާތު ލިބޭގޮތުގައި، އުމަރުގެ ހަށިގަނޑު މިރޭގެ ވަގުތެއްގައިވަގުތެއްގައި އޭނާގެ އުފަން ރަށް ސ.ހިތަދޫއަށް ގެންދިއުމަށް ވަނީ ހަމަޖެހިފައެވެ.
މި މަހުގެ 10 ވަނަ ދުވަހުގެ ރޭ މެލޭޝިއާގެ އިމާރާތަކުން ވެއްޓި ނިޔާވި، އުމުރުން 22 އަހަރުގެ އުމަރުއަކީ މެލޭޝިއާގެ ކުއަލަލަމްޕޫރުގައި ހުންނަ އިންފްރާސްޓަރްކްޗަރ ޔުނިވާސިޓީ ކުއަލަލަމްޕޫރުގައި ކިޔަވަމުން ދިޔަ ދަރިވަރެކެވެ.
އޭނާ މަރުވެފައިވަނީ 14 ވަނަ ފަންގިފިލާއިން ވެއްޓިގެންކަމަށާއި އޭނާގެ ހަށިގަނޑު މެލޭޝިއާ ފުލުހުން ތަހްގީގަށް ގެންދިއުމަށްފަހު އާއިލާ އާއި ހަވާލުކޮށްފައިވަނީ އިއްޔެ ހަވީރުކަމަށް މަޢުލޫމާތު ލިބެއެވެ. މެލޭޝިއާގެ ގާނޫނުގައިވާ ގޮތުން މުސްލިމު މައްޔިތަކު އެގައުމުން ބޭރުކުރެވެނީ ހިނަވައި ކަފުންކޮށް އަދި ކަށު ނަމާދު ކުރުމަށްފަހުއެވެ.
އެހެންކަމުން، އުމަރުގެ ކަށުނަމާދު ކުއާލަލަމްޕޫރުގައި ހުންނަ ދިވެހި އެމްބަސީގެ ބެލުމުގެ ދަށުން ކުރެވިފައިވަނީ ޕުޗުންގެ މަސްޖިދު ޖެމެކް ބަޓު 12ގައި އިއްޔެ އަސުރު ނަމާދަށް ފަހުއެވެ. އޭނާގެ ކަށުނަމާދުގައި އެމްބަސީގެ މުވައްޒަފުންގެ އިތުރުން މެލޭޝިއާގައި ކިޔަވާ ދަރިވަރުން ބައިވެރިވެފައިވެއެވެ،
އުމަރުގެ މަރާއި ގުޅޭ ތަފްޞީލެއް އެއްވެސް އިދާރާއަކުން މިހައިތަނަށް ހާމަކޮށްފައިނުވެއެވެ.
Ads by STO
