ޕާކިސްތާނުން ގޭސް ޕައިޕްލައިނަށް ގެނައި ބަދަލާ ގުޅިގެން ރަޝިޔާއިން ނުރުހުން ފާޅުކޮށްފި
ޕާކިސްތާނު ސްޓްރީމް ގޭސް ޕައިޕްލައިންއާ މެދު އިސްލާމްއާބާދުން ދިން ތަރުހީބާމެދު މޮސްކޯ މާޔޫސްވެ މާޔޫސްވެފައި ވަނީ، ޕާކިސްތާނުގެ ޕްރޮޖެކްޓްގެ އޮނިގަނޑަށް އެތައް ފަހަރެއްގެ މަތިން ބަދަލު ގެނެސް، ރަޝިއާގެ ފަރާތްތަކާ ދެކޮޅަށް އެމެރިކާއިން އަޅާފައިވާ ދަތިކުރުމުގެ ފިޔަވަޅުތަކުގެ ތެރޭގައި ވިޔަފާރީގެ އެއްބަސްވުމަށް އެއްވެސް ކުރިއެރުމެއް ލިބިފައި ނުވާތީ އެވެ.
މިއީ ޕަންޖާބު ޕްރޮވިންސްގައި ހުރި ގޭހުގެ ދަތިކަމުން އަރައިގަތުމަށް ކަރާޗީއިން ލާހޯރަށް ލިކުއިފައިޑް ނެޗުރަލް ގޭސް (އެލްއެންޖީ) ޕައިޕްލައިނެއް އެޅުމުގެ މަޝްރޫއެކެވެ.
"ދަ އެކްސްޕްރެސް ޓްރިބިއުން" ނޫހަށް މައުލޫމާތު ދިން މަސްދަރުތަކުން ބުނީ ޕާކިސްތާނުގެ ފަރާތުން މޮސްކޯގައި ބޭއްވި މަޝްވަރާތަކުގައި ޕައިޕްލައިން ޕްރޮޖެކްޓްގެ މައްސަލަ ރަޝިއާގެ ކުރިމަތީގައި އުފުލުމުން ލަދުވެތި ހާލަތަކާ ކުރިމަތިލާން ޖެހުނު ކަމަށެވެ.
ޕާކިސްތާނުގެ ފަރާތުން މިދިޔަ އޮކްޓޯބަރު މަހުގެ 10 ވަނަ ދުވަހު މޮސްކޯއަށް ޒިޔާރަތްކޮށްފައިވާއިރު، ދިގު މުއްދަތުގެ ތެލުގެ އެއްބަސްވުމާ އެކު ގޭސް ޕައިޕްލައިން ޕްރޮޖެކްޓް ވެސް ވަނީ އެޖެންޑާކޮށްފަ އެވެ.
ޕާކިސްތާނުގެ ފަރާތުން ގޭސް ޕައިޕްލައިނާ ބެހޭ ގޮތުން ވާހަކަ ދެއްކިއިރު، ރަޝިއާ މީހުން ތިބީ މާޔޫސްވެފައި ކަމަށާއި އެކަމާ ބެހޭ ގޮތުން ވާހަކަ ދައްކަން ވެސް ދެކޮޅު ހެދި ކަމަށެވެ.
"ދަ އެކްސްޕްރެސް ޓްރިބިއުން" ނޫހަށް މައުލޫމާތު ދިން ފަރާތްތަކުން ބުނީ، ޕައިޕްލައިންގެ ސްޓްރަކްޗާގެ މައްޗަށް އެމީހުންގެ ގެ ތަރުތީބު ކުރުމަށް ރަޝިޔާއިން ޕާކިސްތާނު މީހުންނަށް ނަސޭހަތްތެރިވި ކަމަށެވެ.
މި މަސައްކަތް ނިންމުމަށް އެންމެ ފުރަތަމަ ރަޝިއާއިން އާރްޓީ ގްލޯބަލް ނޮމިނޭޓްކޮށްފައިވާއިރު، ޕާކިސްތާނުން ވަނީ ސަރުކާރު ހިއްސާވާ އިންޓަ ސްޓޭޓް ގޭސް ސިސްޓަމްސް (އައިއެސްޖީއެސް) ނޮމިނޭޓްކޮށްފަ އެވެ.
ނަމަވެސް 2016 ވަނަ އަހަރުގެ ކުރީކޮޅު ރަޝިއާ ސަރުކާރުން ނަން ހުށަހެޅުމާއެކު އެމެރިކާއިން ވަނީ އާރްޓީ ގްލޯބަލްއަށް ދަތިކުރުމުގެ ފިޔަވަޅު އަޅާފައެވެ.
Ads by STO
