އެމްޑީޕީ ދާއިމަށް މަގުމަތީގައި ބައިތިއްބަން ޖެހޭ، އެއީ ވެރިކަން ކުރަން ސުމެއް: ރައީސް ޔާމީން
އެމްޑީޕީ އަކީ ވެރިކަން ކުރަން "ސުމެއް"ގެ ޕާޓީއެއް ކަމަށް ޕީޕީއެމްގެ ރައީސް، އަދި ކުރީގެ ރައީސް ޔާމީން ޢަބްދުލްޤައްޔޫމް ވިދާޅުވެއްޖެއެވެ.
އެމަނިކުފާނު މިފަދައިން ވިދާޅުވެފައި ވަނީ ޕީޕީއެމްގެ އޮފީހުގައި މިރޭ ބޭއްވި ޖަލްސާގައި ވާހަކަފުޅުދައްކަވަމުންނެވެ.
ރައީސް ޔާމީން އެމަނިކުފާނުގެ ސަޕޯޓަރުންނާއި މިރޭ ބައްދަލުކުރެއްވީ މޯލްޑިވްސް ކަރެކްޝަނަލް ސަރވިސް އިން އެމަނިކުފާނުގެ ބަންދަށް ދިން ލުޔާއި ގުޅިގެންނެވެ.
ރައީސް ޔާމީން ވިދާޅުވީ މަގުމަތީގައި ދެން ތިބޭނީ އެމްޑީޕީ ކަމަށާއެވެ. އަދި އެ ޕާޓީ އަކީ އެކަމަށް ފަރިތަ، މޮޅު ބައެއްކަން ފާހަގަކުރައްވައި، ޕީޕީއެމް/ޕީއެންސީގެ މަސައްކަތަކަށް ވާނީ މަގުމަތީގައި އެމްޑީޕީ ދާއިމަށް ބޭތިއްބުން ކަމަށް ވެސް އެމަނިކުފާނު ވިދާޅުވިއެވެ.
"އެއީ އެމީހުން އެންމެ ފައްކާ ވާނީ އެކަން ކުރަން." ރައީސް ޔާމީން ވިދާޅުވިއެވެ.
ރައީސް ޔާމީން އިތުރަށް ވިދާޅުވީ ޕީޕީއެމް/ޕީއެންސީއަށް ކުރިއަށް އޮތީ އަރާމު ދުވަސްތަކެއް ނޫން ކަމަށާއި މަގުމަތީގައި އެމްޑީޕީން ކޮރުލައްވާ ކަމުގައިވާނަމަ، "އަޅުގަނޑުމެން ވެސް ކޮރުލައްވަން" ޖެހޭނެ ކަމަށެވެ.
މުއިއްޒު އާއި އަދުރޭ ތިކަމާއި ނޫޅޭ މިހާރު އެމެން އުޅެނީ ހުވާކުރުމުގެ ރަސްމިއްޔާތު ވެސް ބޮޑު ނާޗަރަނގީ އެއް ގޮތަށް ޖުމްހޫރީ މައިދާނުގައި ބޭއްވޭތޯ ފަލަސްރތީނު ރައްޔިތުން ބޮލަށް ބޮން އަލާ މަރަނީ އެމެރިކާ އާއި އިޒްރޭލު ވެގެން ދެން %100 އިސްލާމީ ގައުމުގެ ރައްޔިތުންގެ ޓެކްސް ފައިސާ ތަޅާ ބުރުވާލައިގެން މުއިއްޒު ބަލަނީ ހުވާ ކުރުމުގެ ރަސްމިއްޔާތު މައިކަލް ޖެކްސަންގެ ޝޮވް އެއް ގޮތަށް އެކަން ކުރެވޭތޯ އޭނާ ނޫޅޭ މިގައުމުގައި ތިބި އިންޑިއާ ސިފައިން ބާލަން