ރައީސް ނަޝީދު މަޖިލީހުގެ ރައީީސްކަމުން އިސްތިއުފާ ދެއްވައިފި
ރައީސް މުޙައްމަދު ނަޝީދު މަޖިލީހުގެ ރައީީސްގެ މަޤާމުން އިސްތިއުފާ ދެއްވައިފިއެވެ.
މިކަން ހާމަކުރައްވައިފައި ވަނީ، ރައީސް ނަޝީދުގެ އިތުބާރު ނެތްކަމުގެ މައްސަލަ ކުރިއަށް ގެންދިޔުމަށް މިހާރު ކުރިއަށްދާ ޖަލްސާގެ ރިޔާސަތުގައި އިންނެވި، މަރަދޫ ދާއިރާގެ މެމްބަރު އިބްރާހީމް ޝަރީފު(މަވޯޓާ)އެވެ. ޖަލްސާ ފައްޓަވައި ދެއްވައި ވާހަކަ ދައްކަވަމުން، އޭނާ ވިދާޅުވީ ރައީސް ނަޝީދު އިސްތިއުފާގެ ސިޓީ ހުށަހަޅުއްވައިފައި ވުމުން، މި މައްސަލަ ދެން އިތުރަށް ކުރިއަށް ގެންދިޔުމުގެ ބޭނުމެއް ނެތް ކަމަށެވެ.
ރައީީސް ނަޝީދުގެ އިތުރުން، އެމަނިކުފާނަށް ބޮޑުބޭބެ ވިދާޅުވާ، މަޖިލީހުގެ ނައިބު ރައީސާ، އީވާ ވެސް ވަނީ މަޤާމުން އިސްތިއުފާ ދެއްވައިފައެވެ.
ރައީސް ނަޝީދު މަޤާމުން އިސްތިއުފާ ދެއްވައިފައިވަނީ އެކަން އަންގަވާ ރައްޔިތުންގެ މަޖިލީހުގެ އަމީން އާންމު އަލްއުސްތާޛާ ފާތިމަތު ނިއުޝާއަށް މިއަދު ފޮނުއްްވި ސިޓީފުޅަކުންނެވެ.
އެ ސިޓީފުޅުގައި ރައީސް ނަޝީދު ވަނީ ރައްޔިތުންގެ މަޖިލީހުގައި މިހާރު ހިނގަމުންދާ މައްސަލަ ތަކާއި އެ މައްސަލަތަކުގެ ސަބަބުން ޑިމޮކްރެޓިކް ވެރިކަމުގެ ނިޒާމަށް ކުރަމުންދާ އަސަރުތަކާއިމެދު ވިސްނަވައިފައިވާ ކަމަށެވެ.
އަދި އެމަނިކުފާނުގެ ނަޒަރުގައި އެމްޑީޕީގެ ފަރާތުން ޑިމޮކްރެސީގެ އަސާސީ އުސޫލުތަކަށް ނުރައްކާވާފަދަ އަމަލުތައް ހިންގައިފިކަމަށް ދެކިލައްވާ ކަމުގައި އެ ސިޓީގައި ފާހަގަކުރައްވައިފައެވެ.
ދެން އެހެން ތިބެފާ އަމިއްލައަށް މިވެރިން އިސްތިއުފާ ދީފާ ދެން ޢަނެއްދުވަހު ކިޔާނީ ބަޣާވާތެއް ކުރިއްޔޭއެވެ. އެއީ ވެރިކަމުގައިވެސް ހެދިގޮތެވެ. ދުވަހަކުވެސް ދައުރެއް ހަމައެއް ނުކުރާނެއެވެ.
“އިސްތިުފާ މޭން” .. ބޮޑު ފޭލިޔާ އެއް. ދެއަތަށް ކިރިކިރި އެއްވެސް ކޮޅެއްގަ ލައްވާނުލި ދެފުއްކެހެރި ޑިކްޓޭޓަރ އަބަދަށް އައުޓް..ދެން މިރާއްޖޭގެ އެއްވެސް މަތީ މަގާމެއްގެމަތިން ހަނދާން ނައްތާލާ މިތަނުން ފެއްސިގެން ރައްކާވޭ!!!
މިއީ މީނަގެ ނުލަފާކަމުން ދިވެހިން ސަލާމަތްވި ދެވަނަ ފަހަރެވެ. ދެނެއް މަޖްލީހަކަށްވެސް ދުވަހަކުވެސް ނުހޮވޭނެއެވެ.