ޑރ.މުޢިއްޒު ހުވާ ކުރައްވާ ރަސްމިއްޔާތަށް އެމެރިކާގެ ރައީސްގެ ޚާއްޞަ ވަފުދެއް
އިންތިޚާބީ ރައީސް ޑރ. މުޙައްމަދު މުޢިއްޒު ހުވާ ކުރައްވާ ރަސްމިއްޔާތަށް އެމެރިކާގެ ރައީސް ޖޯ ބައިޑެންގެ ފަރާތުން ޚާއްޞަ ވަފުދެއް ފޮނުވަން ނިންމައިފައިވާ ކަމަށް އެމެރިކާގެ ވައިޓްހައުސް އިން ބުނެފިއެވެ.
އިންތިޚާބީ ރައީސް ހުވާ ކުރައްވަވާނީ، އަންނަ ހުކުރު ދުވަހުއެވެ. މި ރަސްމިއްޔާތަށް ބޭރުގެ އެކި ޤައުމުތަކަށް ވަނީ ދައުވަތު އަރުވައިފައެވެ. އިންތިޚާބީ ރައީސްގެ އޮފީހުން މިއަދު ވިދާޅުވީ، ޑރ.މުޢިއްޒު ހުވާ ކުރެއްވުމުގެ ރަސްމިއްޔާތަށް ވަޑައިގަންނަވާނެ ވަފުދުތަކާއި ގުޅޭ މަޢުލޫމާތު މިއަދުގެ ވަގުތެއްގައި ހާމަކުރައްވާނެ ކަމަށެވެ.
އެމެކާގެ ވައިޓްހައުސްއިން ބުނިގޮތުގައި ބައިޑެންގެ ފަރާތުން އެ ރަސްމިއްޔާތަށް ފޮނުއްވާ ވައުދުގައި ހިމެނެނީ ވައިޓްހައުސްގެ ނޭޝަނަލް ސެކިއުރިޓީއާ ބެހޭ ސީނިއާ ޑައިރެކްޓަރު ސާރާ ލެޑިސްލޯ އާއި ޔުނައިޓެޑް ސްޓޭޓްސް އޭޖެންސީ ފޯ އިންޓަނޭޝަނަލް ޑިވެލޮޕްމަންޓްގެ އެޑްމިނިސްޓްރޭޓާ ސަމަންތާ ޕަވާގެ އިތުރުން އެމެރިކާއިން ރާއްޖެއަށް ކަނޑައަޅާފައި ހުންނަވާ ސަފީރު ހުގޯ ޔޮންއެވެ. ވަފުދުގައި އެންމެ އިސްކޮށް ހިމެނިވަޑައިގަންނަވަނީ، ސަމަންތާ ކަމަށް ވައިޓްހައުސްއިން ބުންޏެވެ.
އިންތިޚާބީ ރައީސް ހުވާ ކުރައްވާ ރަސްމިއްޔާތަށް އަވަށްޓެރި ސްރީލަންކާގެ ރައީސް ރަނިލް ވިކްރަމަސިންހަ ވަޑައިގަތުމަށް ވަނީ ހަމަޖެހިފައެވެ. އަދި އިންޑިއާގެ ވަޒީރަކު ވެސް ވަޑައިގަންނަވާނެއެވެ.
އެއްމެފަހުން ދުޔޭގަ އޮތް އެންމެ ބޮޑު ޝައިތާނުގެ ވަފްދެއްވެސް އަންނަނީ. ތި އެންމެން ރަނގަޅު ކުރި މުޢިއްޒުގެ ދަޢުވަތަކަށް. ދެން އެޝައިތާނުންގެ ފަރާތުން މުޢިއްޒު ދަސްވެ ނިމުން ފާހަގަ ކުރަން ތިބޭ.