މުޢިއްޒުގެ ފުރަތަމަ 100 ދުވަސް: އިޓްލޮސް އިން ކޮށްފައިވާ ޙުކުމް އިސްތިޢުނާފް ކުރާނެ
އިންތިޚާބީ ރައީސް ޑރ.މުޙައްމަދު މުޢިއްޒުގެ ވެރިކަމުގެ އެންމެ ފުރަތަމަ 100 ދުވަހުގެ ތެރޭގައި އިޓްލޮސް އިން ކޮށްފައިވާ ޙުކުމް އިސްތިޢުނާފް ކުރަން ހިމަނައިފިއެވެ.
ދަރުބާރުގޭގައި ބޭއްވި ހާއްސަ ރަސްމިއްޔާތެއްގައި "ހަފްތާ 14″ ނަމުގައި މި މަގު ޗާޓް އިފްތިތާހް ކުރެއްވީ އިންތިހާބީ ރައީސް މުއިއްޒެވެ. އެ މަގު ޗާޓުގައި 161 ވައުދު ފުރިހަމަކުރުމަށް ހިމެނެއެވެ. އެ ޗާޓުގެ މަސައްކަތް ބަހާލާފައިވަނީ އަށް ދާއިރާއަކަށެވެ.
އެ ދާއިރާތަކުގެ ތެރޭގައި ހިމެނެނީ މިނިވަންކަމާއި ސިޔާދަތު, އިސްލާމް ދީނާއި ގައުމިއްޔަތު
ގެދޮރުވެރިކަމާއި އުމްރާނީ ތަރައްގީ, އިގްތިސާދާއި ތިމާވެށި އަންހެނުން، ޒުވާނުން، ފަންނިއްޔާތު އަދި ކުޅިވަރު, ސިއްހީ ދުޅަހެޔޮކަމާއި އޯގާތެރި މުޖުތަމައު, ތައުލީމާއި ތަމްރީނު އަދި ސަރުކާރުގެ ސިޔާސަތާއި ގާނޫނީ އިސްލާހެވެ.
މުއިއްޒުގެ ފުރަތަމަ 14 ހަފްތާ ތެރޭގައި ހާސިކުރުމަށް ކަނޑައަޅާފައިވާ ކަންކަމުގެ މަގުޗާޓުގެ މިނިވަންކަމާއި ސިޔާދަތު, މި ދާއިރާގެ ދަށުން 3 ވަނަ ކަމަކަށް ހިމަނާފައިވަނީ ދިވެހިރާއްޖޭގެ އެކްސްކްލޫސިވް އިކޮނޮމިކް ޒޯން (އީއީޒެޑް)ގެ ތެރެއިން ދެކުނު ކަނޑުގެ ސަރަހައްދުން ބައެއް ގެއްލޭ ގޮތަށް އިންޓަރނޭޝަނަލް ޓްރައިބުނަލް ފޮރ ދަ ލޯ އޮފް ދަ ސީ (އިޓްލޮސް)އިން ކޮށްފައިވާ ޙުކުމް އިސްތިޢުނާފުކުރުމެވެ.
