ހަމަލާތައް މެދުކަނޑައިލަން ނިންމި ނިންމުމަށް ރާއްޖެއިން މަރުޙަބާ ކިޔައިފި
ފަލަސްޠީނުގެ މިނިވަންކަމަށް މަސައްކަތް ކުރާ ހަމާސް ޖަމާޢަތާ ދެކޮޅަށް ކަމަށް ބުނެ، ފަލަސްޠީނުގެ ޣައްޒާ އަށް އިޒްރޭލުން ދެމުންދާ ހަމަލާތައް މެދުކަނޑައިލުމުގެ އެއްބަސްވުމަކާ ހަމައަށް އާދެވިފައިވާ ކަމަށް ބައިނަލްއަޤްވާމީ މީޑިއާތަކުން ރިޕޯޓު ކުރެއެވެ.
މިކަމާއި ގުޅިގެން ފޮރިން މިނިސްޓަރު މޫސާ ޒަމީރު މިއަދު އެކްސްގައި ކުރެއްވި ޕޯސްޓުގައި ވިދާޅުވީ، ހަމަލާ ބަދަލުކުރުންތައް ހަތަރު ދުވަހަށް ހުއްޓައިލަން ނިންމި ނިންމުމަށް މަރުޙަބާ ވިދާޅުވާ ކަމަށެވެ.
އަދި ވިދާޅުވީ ދެފަރާތުން ހަމަލާ ބަދަލުކުރުން ހުއްޓައިލަން ރާއްޖެއިން ގޮވާލާ ގޮވާލުން ތަކުރާރު ކުރައްވާ ކަމަށެވެ.
ފަލަސްޠީނާއި އިޒްރޭލުގެ ހަމަލާތައް މެދުކަނޑައިލަން އެއްބަސްވީ ޤަތަރު މެދުވެރިވެގެން، ހަމާސް އާއި އިޒްރޭލުގެ ސިފައިންނާ ދެމެދު ވެފައިވާ އެއްބަސްވުމެއްގެ ދަށުންނެވެ.
މި އެއްބަސްވުމާއިއެކު، ޔަހޫދީ ޖަލުތަކުގައި ތިބި 150 އަންހެނުންނާއި ކުޑަ ކުދިން ދޫކޮށްލާނެއެވެ. އަދި ހަމާސްގެ ބެލުމުގެ ދަށުގައިވާ 50 ޔަހޫދީން ވެސް މިނިވަން ކުރުމަށް ވަނީ ހަމަޖެހިފައެވެ.
ޔަހޫދީން ޣައްޒާ ހިފުމަށް، އެ ތަނަށް ހަމަލާތައް ދޭން ފެށީ މިދިޔަ މަހުގެ ހަތްވަނަ ދުވަހުއެވެ. ހަ ހަފްތާގެ މުއްދަތަށް ދިގު ދެމިގެން ދިޔަ ހަމަލާތަކުގައި މިހައިތަނަށް ފަލަސްޠީނުގެ 14000 މީހުބް ވަނީ ޝަހީދުކޮށްލައިފައެވެ. ޝަހީދުންގެ ތެރޭގައި އެންމެ ގިނައީ އަންހެނުންނާއި ކުޑަ ކުދިންނެވެ. އޭގެތެރޭގައި ފަސްހާސް ކުޑަ ކުދިންހިމެނެއެވެ.
ތިއިޒުރޭލުން ދައްކާވާހަކަޔައް އަހަރެން ތާއީދެއްނުކުރަން އަދިނަތަންޔާހޫ އެއީ މުސްލިމުންގެ ލެއިން ތަތްތެޅިފަހުރި ބޮޑުމުޖުރިމެއް ޢައްދާރެއް