ތޮލާާލް ޕީޕީއެމުން ވަކިވެވަޑައިގެންފި
ސްޕޯޓްސް ކޮމިޝަނަރުގެ މަޤާމާ އިއްޔެ ޙަވާލުވެވަޑައިގެންނެވި މުޙައްމަދު ތޮލާލް ޕީޕީއެމުން ވަކިވެވަޑައިގެންފިއެވެ.
ތޮލާލް ޕީޕީއެމުން ވަކިވެވަޑައިގެންނެވީ ސްޕޯޓްސް ކޮމިޝަނަރުގެ މަޤާމާ ޙަވާލުވާ މީހަކު ޕާޓީއެއްގެ މެންބަރެއްގެ ގޮތުގައި ނުހުރެވޭނެ ކަމަށް ޤާނޫނުގައި ބަޔާންކޮށްފައިވާތީއެވެ. އޭނާ ހުންނެވީ ޕީޕީއެމްގެ ސެކްރެޓަރީ ޖެނެރަލްގެ މަޤާމުގައެވެ.
ޕީޕީއެމްގެ ރަޖިސްޓްރާ އަޙުމަދު ހަމްދާން ނާސިރު ވިދާޅުވީ ތޮލާލް ޕީޕީއެމުން ވަކިވެވަޑައިގެންނެވީ އިއްޔެ ކަމަށެވެ.
ޕީޕީއެމް/ޕީއެންސީގެ މެދުގައި ކޯޅުން އުފެދިފައިވާ ކަމަށް ބެލެވޭއިރު، ޕީޕީއެމްގެ ރައީސް ޔާމީން ޢަބްދުލްޤައްޔޫމް ވަނީ އެ ޕާޓީގެ ތެރޭގައި ކޮމެޓީއެއް އުފައްދަވައިފައެވެ. މި ކޮމެޓީން ރޭ، ޕާޓީގެ ލީޑަރޝިޕާއި ނުލައި ނޫސްވެރިންގެ ބައްދަލުވުމެއް ބޭއްވި މައްސަލަ ހޫނުވެ، މަލީހު ވަނީ ޕީޕީއެމްގެ ހަރަކާތްތަކުން ސަސްޕެންޑް ވެސް ކޮށްފައެވެ.
Ads by STO
