ޑްރީމްލޭންޑް ރިސޯޓުން ކޮވިޑް-19ގެ އަލާމާތްތައް ހުރި މީހަކު ޓެސްޓުކުރަނީ

ޑްރީމްލޭންޑް މޯލްޑިވްސް ރިސޯޓުން ކޮވިޑް-19ގެ އަލާމާތްތައް ހުރި މީހަކު ޓެސްޓުކުރުމުގެ މަސައްކަތް ފަށައިފިއެވެ.

Ads by MWSC

ހެލްތު ޕްރޮޓެކްޝަން އެޖެންސީ(އެޗްޕީއޭ) އިން ބުނީ ޑްރީމްލޭންޑުގައި ވައިރަހުގެ އަލާމާތްތައް ހުރި ބިދޭސީއެއްގެ ގައިން ސާމްޕަލް ނަގައި އެ މީހާ "ހޯމް އައިސޮލޭޓް" ކޮށްފައިވާ ކަމަށެވެ.

އެޗްޕީއޭއިން އިތުރަށް ބުނީ އެ ރިސޯޓު މިހާރު މޮނިޓަރިންގެ ހާލަތަށް ގެނެވިފައިވާ ކަމަށެވެ.

މިހާރުގެ ރާއްޖޭގެ 14 ރިސޯޓެއް ވަނީ އަރާ ފޭބުން މަނާކޮށް ވަގުތީ ގޮތުން ބަންދުކުރެވިފައެވެ. މި ރިސޯޓުތަކުން ވެސް އަލާމާތްތައް ފެންނަ މީހުން ފެނިފައިވާއިރު އެމީހުންގެ ނަތީޖާތައް އަދި ނުލިބެ އެވެ. އެއީ މުޅިން ވެސް ބިދޭސީންނެވެ.