ފިރިހެން ކުއްޖެއްގެ އަތުގައި ހިފައިގެން ނަގާފައިވާ ފޮޓޯތަކެއް އާއްމުވުމުން އަންހެން ކުއްޖަކު ޕާކިސްތާނުގައި މަރާލައިފި
ޕާކިސްތާނުގެ ހުޅަނގު އުތުރުޕްރޮވިންސްގެ ޚައިބަރު ޕަޚްތޫންޚުވާގައި މިދިޔަ ހަފުތާގައި އޭނާގެ ކުޑަ އަންހެން ދަރިފުޅުގެ ވަށައިގެން ފިރިހެން ކުއްޖެއްގެ އަތް ހުރި މަންޒަރު ފެންނަ ފޮޓޯތަކެއް އޮންލައިންކޮށް ފެނުމާ ގުޅިގެން އޭނާގެ ކުޑަ އަންހެން ދަރިފުޅަށް ބަޑިޖަހައި މަރާލި މީހަކު ފުލުހުން ހައްޔަރުކޮށްފިއެވެ.
ކޮހިސްތާނުގެ ޑިސްޓްރިކްޓް ޕޮލިސް އޮފިސަރު މުޚްތާރު އަހުމަދު ތަނޯލީ އަލްޖަޒީރާއަށް ވިދާޅުވީ އަންހެން ކުއްޖާގެ ބައްޕަ އަރްސަލާ ފުލުހުން ހައްޔަރުކުރީ "އޭނާގެ އަމިއްލަ އަންހެން ދަރިފުޅު މަރާލި ކަމުގެ ތުހުމަތުގައި" ކަމަށެވެ.
އަދި އަރްސަލާއާ އެކު މަރާލަން ރޭވި ކަމުގެ ތުހުމަތުގައި އެ މީހުން ވަނީ ބައްޕަގެ ކޮއްކޮ އާއި ދެ ކަޒިން ވެސް ހައްޔަރުކޮށްފަ އެވެ.
މި ހާދިސާގެ މައުލޫމާތު ފުލުހުންނަށް ލިބިފައިވަނީ މިދިޔަ ނޮވެމްބަރު މަހުގެ 24 ވަނަ ދުވަހު ކަމަށާއި، ވެރިރަށް އިސްލާމްއާބާދުގެ މަގުން 350 ކިލޯމީޓަރު (217 މޭލު) ދުރުގައި އޮންނަ ކޮހިސްތާނުގެ ކޮލައި-ޕަލަސް ޑިސްޓްރިކްޓްގައި ހުންނަ އެ އަންހެން ކުއްޖާގެ ގެއިން އަންހެން ކުއްޖާގެ ހަށިގަނޑު ފެނިފައިވާ ކަމަށެވެ.
ފުލުހުންގެ ރިޕޯޓުގައި ވާގޮތުން މިދިޔަ ހަފުތާގެ ކުރީކޮޅު ފޭސްބުކްގައި ދައުރުވަމުންދާ ފޮޓޯތަކުން ފެންނަގޮތުގައި ކޮހިސްތާނަށް ނިސްބަތްވާ ފިރިހެން ކުއްޖަކާއެކު އެ އަންހެން ކުއްޖާ އެކަކު އަނެކަކުގެ ވަށައިގެން ދެއަތް އަޅުވާލައިގެން ތިއްބެވެ.
ކޮހިސްތާނަކީ އާދަކާދައިގެ ހަރުކަށި މާނައާ ހިލާފަށް އަންހެނުންނަށް މަރުގެ އަދަބު ދޭ "ޖިރްގާސް" ގެ ނަމުން ނަންދީފައިވާ ޓްރައިބަލް ކައުންސިލްތައް މެދުވެރިކޮށް ލޯކަލް އާދަކާދަތައް ގިނަފަހަރަށް ތަންފީޒުކުރާ އިންސިއުލަރ، ވަރަށް ކޮންޒަވޭޓިވް ސަރަޙައްދެކެވެ.
2012 ވަނަ އަހަރު ކައިވެނީގެ ހަފްލާއެއްގައި ދެ ފިރިހެނުން ނަށާ މަންޒަރު ފެންނަ ވީޑިއޯއަކުން ފެންނަ ގޮތުގައި ފަސް އަންހެނަކު ތަޅައިގަތެވެ. އަދި އެ ވީޑިއޯގައި ޝާމިލްވާ މީހުން މެރުމަށް ލޯކަލް ޓްރައިބަލް ކައުންސިލަކަށް ގުޅައި އަމުރުކުރި އެވެ.
އެ ވީޑިއޯއިން ފެންނަ ތިން އަންހެނަކު ވަނީ މަރުވެފަ އެވެ.
Ads by STO
