މިސްކިތް އަޅަން ބޭނުންވާ އަމިއްލަ ފަރާތްތަކަށް އިސްލާމިކް މިނިސްޓްރީން ބިން ހަމަޖައްސައިދެނީ
މިސްކިތް ބިނާ ކުރަން ބޭނުންވާ އަމިއްލަ ފަރާތްތަކަށް ބިން ހަމަޖައްސައިދިނުމަށް އިސްލާމިކް މިނިސްޓްރީން ނިންމަވައިފިއެވެ.
Ads by Sosun Fihaara
މިކަން އިޢުލާނު ކުރައްވައި، އިސްލާމިކް މިނިސްޓަރު ޑރ.މުޙައްމަދު ޝަހީމް ޢަލީ ސަޢީދު އެކްސްގައި ކުރެއްވި ޕޯސްޓެއްގައި ވިދާޅުވެފައިވަނީ ވިޔަފާރިވެރިންގެ ތެރޭގައި މިސްކިތް ބިނާކުރުމަށް ޝައުޤުވެރިވާ ފަރާތްތަކުން، އެކަކު ނުވަތަ ގިނަ ބަޔަކު ވެގެން މިސްކިތެއް އަޅަންބޭނުން ނަމަ ބިން ހަމަޖައްސައި ދިނުމާއި އެނޫން އިދާރީ ފަސޭހަތައް ހަމަ ޖައްސައިދޭން މިނިސްޓްރީން ނިންމައިފައިވާ ކަމަށެވެ.
އެގޮތުން ރަށްތަކާއި އަތޮޅުތަކާއި ސިޓީތަކުގައި މިސްކިތް ބިނާކުރުމަށް ޝައުޤުވެރިވާ ފަރާތްތަކަށް ފުރުޞަތު ހުޅުވާލާ ކަމަށް ވެސް މިނިސްޓަރު ވިދާޅުވެފައެވެ.
އިސްލާމިކް މިނިސްޓްރީން އަންނަނީ މިފަދަ ގިނަ ނިންމުންތަކެއް ނިންމަވަމުންނެވެ.
އެގޮތުން ސާނަވީ، އަދި މަތީ ސާނަވީ ތަޢުލީމު ޙާސިލު ކުރާ ދަރިވަރުންނަށް އިމާމުވެ ހުކުރު ކުރެވޭނެ ގޮތް ހަދައި، އެކަމަށް އެދުމުގެ ފުރުޞަތުވެސް ވަނީ ހުޅުވައިލައިފައެވެ.
Ads by HDC
މިހާރުއެބަރަގަޅުވޭ انشاالله ހައްކުކޯޕަރޭޝަނުގެ ކިއުވެސްވަރަށްއަވަހައްޖެހޭނެ ކަމައްއުއްމީދުކުރަނީ