ހިލޭ ބޯންމެރޯ ހަދަން ފުރަތަމަ ކުއްޖާ މިއަދު ފުރައިފި
ތެލެސީމިއާ ބަލީގެ ފަރުވާއަށް، ހިލޭ ބޯންމެރޯ ހަދަން ފޮނުވާ ފުރަތަމަ ކުއްޖާ މިއަދު ފުރައިފިއެވެ.
މިކަން ހާމަކުރެއްވީ ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުގެ ސަރުކާރުގެ ''ހަފުތާ 14'' ގައި ހިމެނޭ ކަންކަމުގެ ތެރެއިން ހަތަރު ހަފުތާގެ ތެރޭގައި ހާސިލުކުރެވުނު ކަންކަން މީޑިއާތަކަށް ހިއްސާކުރުމަށް ރައީސްގެ އޮފީހުން މިއަދު ބޭއްވި ނޫސްވެރިންގެ ބައްދަލުވުމުގައި އެ އޮފީހުގެ ޕަބްލިކް ޕޮލިސީގެ އަންޑަރ ސެކްރެޓަރީ މުޙައްމަދު ފިރުޒުލް ޚަލީލެވެ.
ފިރުޒުލް ވިދާޅުވީ ހަފްތާ 14 މަގުޗާޓުގައި ފުރަތަމަ ހަތަރު ހަފުތާގެތެރޭގައި ތެލަސީމިއާ ޕޭޝަންޓުންނަށް މިހާރު ދެމުން އަންނަ ޚިދުމަތްތައް ހަރުދަނާކޮށް ފުޅާކުރުމާއި ހިލޭ ބޯން މެރޯ ޓްރާންސްޕްލާންޓް ހެދޭނެ މަގުފަހިކޮށްދިނުމަށް ކަނޑައެޅި އަމާޒަށް ވާސިލުވެފައިވާ ކަމަށެވެ.
އެގޮތުން އެއްކަމެއްގެ ގޮތުގައި މިއަދު ބޯން މެރޯ ޓްރާންސްޕްލާންޓަށް އެއް ކުއްޖަކު ފުރާފައިވާކަން ފިރުޒުލް ހާމަކުރެއްވިއެވެ.
އޭނާ ވަނީ ކުރިއަށް އޮތް މަދު ހަފުތާތަކުގެ ތެރޭގައި އިތުރު ކުއްޖަކު ވެސް މި ފަރުވާ ހޯދަން ރާއްޖެއިން ބޭރަށް ފުރާނެ ކަމަށް ވިދާޅުވެފައެވެ.
ތެލަސީމިއާއަށް ފަރުވާހޯދާ ފަރާތްތަކަށް މިހާރު ދެވޭ ޚިދުމަތްތައް ހަރުދަނާކޮށް ފުޅާކުރުމުގެ އިތުރަށް ހިލޭ ބޯންމެރޯ ޓްރާސްޕްލާންޓް ހެދޭނެ މަގުފަހިކޮށްދިނުމަށް ވަޒީރުންގެ މަޖިލީހުގެ ލަފާފުޅުގެ މަތިން ރައީސް ޑރ.މުޢިއްޒު ނިންމެވީ މި މަހުގެ 10 ގައެވެ.
އަލަށްތަ؟