ރާއްޖޭގެ ފަތުވާ ނިޒާމު ހަރުދަނާކުރަން އޯއައިސީން އެހީވަނީ

ރާއްޖޭގެ ފަތުވާ ނިޒާމު ހަރުދަނާކުރަން އޮގަނައިޒޭޝަން އޮފް އިސްލާމިކް ކޯޕަރޭޝަން (އޯއައިސީ) އާ އެކީ އެއްބަސްވުމެއްގައި ސޮއިކޮށްފިއެވެ.

Ads by Sosun Fihaara

އިސްލާމިކް މިނިސްޓްރީން ވިދާޅުވީ މި އެއްބަސްވުމުގެ މަޤްޞަދަކީ ފަތުވާގެ ނިޒާމު ހަރުދަނާކުރުމާއި، ދިވެހިރާއްޖޭގެ އިސްލާމީ ފަތުވާ މަޖިލީސް ހަރުދަނާކުރުމާއި، ސައިންޓިފިކް ޙައްލުތައް މެދުވެރިކޮށް ޒަމާނީ ފިޤުހުގެ މައްސަލަތައް ގުޅިގެން ޙައްލުކުރުން ކަމަށެވެ.

މި އެއްބަސްވުމުގައި މިނިސްޓްރީ ތަމްސީލުކުރެއްވީ މިނިސްޓަރ ޑރ.މުޙައްމަދު ޝަހީމް ޢަލީ ސަޢީދެވެ. އޯއައިސީގެ އިންޓަނޭޝަނަލް އިސްލާމިކް ފިޤުހު އެކަޑަމީގެ ފަރާތުން ސޮއިކުރެއްވީ ކުތުބު މުސްތަފާ ސާނޫއެވެ.

އޯއައިސީގެ އިންޓަނޭޝަނަލް އެކަޑަމީ އޮފް އިސްލާމިކް ފިޤުހު އަކީ ޖިއްދާގައި ހުންނަ ދުނިޔޭގެ އެންމެ އިސް އިސްލާމީ ސައިންޓިފިކް ކައުންސިލެވެ.