އީޔޫ އިން އޮތީ އިންޑިއާއާއެކު ފްރީ ޓްރޭޑް އެއްބަސްވުމަކަށް ދާން ތައްޔާރަށް
އިންޑިއާ އާއި ޔޫރަޕިއަން ޔޫނިއަން އިން ދަނީ ވިޔަފާރީގެ ދާއިރާއާއި ފަތުރުވެރިކަމާއި ދިފާއީ ދާއިރާއިން އިސްކަންދޭ ލިސްޓުގެ އެންމެ ކުރީގައި އޮތް ގުޅުން އިތުރަށް ބަދަހިކުރަމުންނެވެ. ނިއު ދިއްލީގައި މިހާރު ކުރިއަށްދާ ރައިސީނާ ސަމިޓްގެ ހަވާސާގައި ވިއޯންގެ ޕްރިންސިޕަލް ޑިޕްލޮމެޓިކް ކޮރެސްޕޮންޑެންޓް ސިދާންތު ސިބްބަލްއާ އެކު ދެއްވި ހާއްސަ ބަސްދީގަތުމެއްގައި ޔޫރަޕިއަން އެކްސްޓާނަލް އެކްޝަން ސާވިސްގެ ސެކްރެޓަރީ ޖެނެރަލް ސްޓެފާނޯ ސަންނީނޯ ވަނީ އިންޑިއާއާ އެކު އޮތް ގުޅުމާއި ފްރީ ޓްރޭޑް އެގްރީމެންޓް (އެފްޓީއޭ) ގެ މަޝްވަރާތަކާއި އެނޫން ވެސް ގިނަ ކަންތައްތަކާ ބެހޭ ގޮތުން ވާހަކަ ދައްކަވާފަ އެވެ.
ސަންނީނޯ ވިދާޅުވީ ނިއު ދިއްލީގެ ދަތުރުފުޅުގެ މައިގަނޑު އަމާޒަކީ ދެ ފަރާތުގެ ގުޅުން އިތުރަށް ބަދަހިވެ، ގުޅުން ބަދަހިކުރެވޭނެ ގޮތްތައް ކަމަށެވެ.
"މިނިވަން ވިޔަފާރީގެ އެއްބަސްވުމާއި އިންޑިއާ އާއި އީޔޫއާ ދެމެދު އެކްސްޗޭންޖް އިން އިންވެސްޓްމަންޓްއަދި މެރިޓައިމް ސެކްޓާ ފަދަ ގިނަ ދާއިރާތަކެއްގައި މަސައްކަތް ކުރަމުން މިދަނީ،" ސަންނީނޯ ވިދާޅުވި އެވެ.
"އަޅުގަނޑުމެން މިތިބީ ވަރަށް ބޮޑަށް އެކަމަށް ތައްޔާރަށް، ދެ ފަރާތުގެ ވެސް ސިޔާސީ ވިސްނުމާއި ޝައުގުވެރިކަން އެބަހުރި، ނަތީޖާއެއް ހޯދަން ވަގުތު ބަހައްޓަން ޖެހޭ،" ސަންނީނޯ ވިދާޅުވި އެވެ.
ޔޫރަޕިއަން ޔޫނިއަން (އީޔޫ) އާއި ޗައިނާއާ ދެމެދު އޮންނަ ގުޅުމާ ބެހޭ ގޮތުން ވާހަކަ ދައްކަވަމުން ސަންނީނޯ ވިދާޅުވީ ޔޫރަޕުން ޗައިނާއާ އެކު އޮންނަ ގުޅުން ބެލެހެއްޓޭނެ ސްޓްރެޓެޖީއެއް ގާއިމްކޮށްފައިވާ ކަމަށެވެ.
"އަޅުގަނޑުމެން ޗައިނާ މާނަ ކުރަނީ ބައިވެރިއެއްގެ ގޮތުގައި، ދުނިޔޭގެ މައްސަލަތައް އެއްތަނަކަށް ގެންނަން މަސައްކަތް ކުރާ ގައުމެއް، އެއީ ވާދަވެރިއެއް، އިގްތިސާދީ ގޮތުން އަޅުގަނޑުމެން ވާދަކުރާތީ، އަޅުގަނޑުމެން ޔަގީންކުރަން ބޭނުންވަނީ މިއީ ހަމަހަމަ ދަނޑެއްގައި ކުރާ ކަމެއް ކަން ޔަގީންކުރަން، އެއީ ސިޔާސީ ގޮތުން ބާޒާރަށް ނުފޫޒު ފޯރުވުމަށް އެ މީހުންގެ ގާބިލުކަން ނަހަމަ ގޮތުގައި ބޭނުން ނުކުރުމަށް،" ސަންނީނޯ ވިދާޅުވި އެވެ.
"އެމީހުންނާ ގުޅުން ބަދަހިކުރުމަކީ އަޅުގަނޑުމެންގެ ސްޓްރެޓެޖީގެ ތެރޭގައި ހިމެނޭ ކަމެއް. އަޅުގަނޑުމެން ބޭނުންވަނީ އަޅުގަނޑުމެންގެ އިޤްތިޞާދަށް އެކްސްޕޯޒްވުމުގެ ނުރައްކާ ކުޑަކޮށް، އިޤްތިޞާދަށް ވެސް ބަރޯސާވުން ކުޑަކުރަން،" ރައީސް ވިދާޅުވި އެވެ.
