ކަޅު ބާޒާރުގައި ޑޮލަރު ވިއްކި 7 ބިދޭސީއަކު ހިފަހައްޓައިފި
ކަޅު ބާޒާރުގައި ބޭންކް ރޭޓަށްވުރެ ބޮޑުކޮށް ޑޮލަރު ވިއްކަން އުޅުނު ހަތް ބިދޭސީއަކު މޯލްޑިވްސް އިމިގްރޭޝަނުން ހިފަހައްޓައިފިއެވެ.
މިއަދު އިމިގްރޭޝަނުން ނެރުނު ބަޔާނެއްގަިއ ބުނެފައިވަނީ މި ބިދޭސީން ހިފަހައްޓައިފައިވަނީ މިމަހުގެ 9 ވަނަ ދުވަހު ހިންގި އޮޕަރޭޝަނެއްގައި ކަމަށެވެ. އެގޮތުން މި އޮޕަރޭޝަނަކީ ގަވައިދާ ހިލާފަށް އުޅޭ ބިދޭސިންގެ މައްސަލަ ހައްލު ކުރުމަށް ހޯމްލޭންޑް ސެކިޔުރިޓީ މިނިސްޓްރީން ގެންގުޅޭ ސިޔާސަތުތައް ތަންފީޒް ކުރަން ހިންގާ އޮޕަރޭޝަންތަކެއް ކަމަށް އެ ބަޔާނުގައިވެއެވެ.
އެ އޮޕަރޭޝަންފައު ހިފަހައްޓާފައިވަނީ މާފަންނު ކޮޅުގައި ހުންނަ ބީއެމްއެލްގެ ޑޮލަރު އޭޓީއެމް ކައިރީ މަސައްކަތް ކުރާ ބިދޭސީންތަކެވެ. އެމީހުންނަކީ ޑޮލަރުގެ ކަޅު ބޮޑު ބާޒާރެއް ހިންގަމުން އަންނަ ބައެއް ކަމަށް އިމިޤްރޭޝަނުން ބުނެއެވެ.
މި އޮޕަރޭޝަން ހިންގާފައިވަނީ އިމިގްރޭޝަންގެ ރިސްކު އިންޓެލިޖެންސް އެންޑް ލީގަލް އެފެއާޒް އާއި އެންފޯސްމަންޓް އެންޑް ކޮމްޕްލަޔަންސް ޑިވިޝަން ގުޅިގެންނެވެ. ހައްޔަރު ކުރި ބިދޭސީންގެ ތެރޭގައުި ވިސާ ނެތި މަސައްކަތް ކުރަމުން އައި ބިދޭސީންތަކަކާއި, ވިސާގެ ބޭރުން އިތުރު ވިޔަފާރި ކުރަމުން އައި ބިދޭސީންތަކެއް ހިމެނެއެވެ
